1Kwa 2:10 - Hdi

¹⁰ Ŋa aŋni maraŋnaŋta Lazglafta ta tsa skwi ya nda ma Sulkuma ni. Sulkum ná, nda sna ta inda skwi, nduk nda kɗavakta skwi ma ndana Lazglafta.

1Kwa 2:10 Iomraidhean Croise

Danyel 2:22

Tsatsi ta marigiŋtá skwiha nda la, nda skwiha ya nda ɗifa tani. Nda sna tsatsi ta skwiha nda ɗifa ma grum, mamu tsuwaɗak ta wanaftá tsatsi.

Mata 13:11

Ka *Yesu nda həŋ mantsa: « Kaghuni ná, vlaghuna vla lu ta snaŋtá vərɗa ɗifatá ga mghama Lazglafta, ama vlaŋ a lu ta hahəŋ wa.

Mata 16:17

Ka Yesu nda tsi tama mantsa: « Simuŋ zwaŋa Zunas, nda tfa wi ta ghəŋa kagha, kabga mnda səla a ta mnaghatá tsa gwaɗa ya wu, Da ɗa ta nzakway ta luwa ya.

Lukwa 10:21

Ma va tsa fitik ya ka zɗanaftá Sulkum nda ghuɓa ta ŋuɗuf ta *Yesu, kaʼa mantsa: « Əŋkaʼ a Da, Mgham ta luwa nda ya ta haɗik, ta ghəŋa ɗifanata gha ta tsa skwiha ya da gwal nda ɗifil ma ghəŋa taŋ, nda ya da gwal nda mahizl ma ghəŋa taŋ, ka maranaŋtá ka ta gwal kul snaŋtá skwi. Kahwathwata mantsa nzakwa ni Da, ta rfa kagha yu ta ghəŋa ɗvafta gha mantsa, kaʼa.

Lukwa 2:26

Si mnanaŋ mna Sulkum nda ghuɓa kazlay: Haɗ dzaʼa mtuta karaku ka ta ngha a tsi ta ghunatá mnda Lazglafta ta nzakway ka *Kristi wu kəʼa.

Yuhwana 14:26

Tsa mnda kata mndu dzaʼa saha ya, Sulkum nda ghuɓa ya dzaʼa ghunagata Da nda hga ɗa. Tsatsi dzaʼa taghaghunaftá inda skwi, ŋa havaghunaktá inda gwaɗa managhuna yu.

Yuhwana 16:13

Ka sasa tsa Sulkum ta mnigiŋtá kahwathwata ya, dzaʼa snaghunam sna ta inda kahwathwata. Gwaɗa ma ghəŋa ni a dzaʼa klaʼata tsi ka mnay wa. Inda skwi dzaʼa snaŋta tsi, dzaʼa tsi mnay, ŋa mnaghunatani ta skwi dzaʼa slaku ta kəma.

1Kwa 14:30

Ka vlaŋ vla Lazglafta ta sana mndu ta nzaku ta kligiŋtá ɗifatá skwa Lazglafta katsi, nzaghuta tsa mndu taŋtaŋ ya tsəriɗ.

1Kwa 2:11

Mnda səla ná, sulkuma ni yeya nda sna ta kɗavakta skwi ma tsatsi. Manda tsaya Sulkuma Lazglafta guli ná, tsatsi yeya nda sna ta kɗavakta skwi ta nghanatá Lazglafta.

Galat 1:12

Manda va tsaya ná, snaŋ da mndu a yu wu, mndu a guli ta taghaɗifta wa. *Yesu *Kristi ka ghəŋa ni ta guniɗiŋta.

Afisus 3:3

Tsatsi ta guniɗiŋtá ghunislaka ɗa, kəl yu ka snaŋtá ɗifatá skwa ni manda ya vindaghunaf yu neɗ ya kay.

Afisus 3:5

Tsa ɗifatá skwa ni ya ná, maranaŋ a Lazglafta ta mnduha ghalya wa. Ndanana tama, ka marigiŋtá tsi nda ma Sulkum nda ghuɓa, ka maranaŋtá tsi ta mnduha ni zabap tsi ŋa nzakway ka gwal ghunay nda la anabi.

1Tim 4:1

Tsaliŋ tsala Sulkum nda ghuɓa kazlay: Ma kɗavakta fitik ná, dzaʼa zlanava zla sanlaha ta zlghay nda ŋuɗufa taŋ, ka laghu da sna ŋa sulkumha ta nana mndu, nda tagha skwi ya ta klagapta ghwaɗaka sulkumha kəʼa.

1 Piyer 1:12

Ka snanamtá Lazglafta ta tsa la anabi ya kazlay: Ka ŋa taŋ a tsa gwaɗa ya wu, ka ŋa ghuni nzakwa ni kəʼa. Ndanana, mnaghuna mna gwal ta mna *Lfiɗa Gwaɗa ta tsa skwiha ya. Nda mbrakwa Sulkum nda ghuɓa ghunagata Lazglafta snaghunamtá həŋ ta tsa gwaɗa ya. Tsa gwaɗa ya guli ná, kumaŋ kuma duhwalha Lazglafta ta snaŋta.

1 Yuhwana 2:20

Kaghuni ya, vlaghuna vla Kristi ta Sulkuma ni. Kaghuni demdem, nda sna kaghuni ta vərɗa skwi ta ghəŋa *Yesu Kristi.

1 Yuhwana 2:27

Kaghuni, tsa Sulkum vlaghuna Kristi ya ná, ta nzaku ma kaghuni. Wya ta mamu tsa Sulkum ya ma ŋuɗufa ghuni ya, psəgla a kuni ta sana mndu ŋa taghaghunaftá sana skwi wu, kabga ta taghaghunaf tagha tsa Sulkum ya ta inda skwi. Tsa skwiha ta taghaghunafta tsi ya guli ná, vərɗa skwiha ya. Haɗ tsakalawi mida wa. Gɗavawagɗa kawadaga nda Yesu Kristi manda ya ta taghaghunafta Sulkuma ni.

Suna Yuhwana 1:1

Nana ɗelewer na ná, ta gwaɗay ta gwaɗa ta ghəŋa skwi ya maranaŋ *Yesu *Kristi ta gwal ka kwalva Lazglafta. Lazglafta ta vlaŋtá tsa skwiha ya ŋa maranaŋtá həŋ, ŋa snaŋta taŋ ta skwi ta dzaʼa gi magaku. Tsaya tama kəl Yesu Kristi ka ghunaftá duhwala ni da kwalva ni Yuhwana ŋa maranaŋtá tsa skwiha ya.

Suna Yuhwana 2:24

« Ama pɗakwa kaghuni gwal zlghay nda ŋuɗuf ma luwa Tiyatir, kul snata tsa ghwaɗaka tagha skwi ya, kul taghaftá tsa skwi ta hgə həŋ kazlay: Ɗifatá skwa halaway kəʼa ya, haɗ sana skwa ndəgaku ta faghunaghata yu wa.