1Kwa 16:1 - Hdi

¹ Ta ghəŋa skwi ta nghaghanaghatá tska skwi ŋa vlay ŋa mnduha Lazglafta ma luwa Ursalima ya, magawa maga kaghuni guli manda va ya mnanaf yu ta *Igliz ta haɗika Galat.

1Kwa 16:1 Iomraidhean Croise

Slna gwal ghunay 11:28

Mamu sani mataba taŋ ta hgə lu ka Agabus. Kaʼa mantsa: « Dzaʼa slaku maya ta ghəŋa haɗik demdem, » kaʼa manda ya mnana Sulkum nda ghuɓa. Ka slatá tsi tama ma fitika gay Klawdi ta mgham.

Slna gwal ghunay 11:30

Ka tskaftá həŋ, ka vlaŋtá i Barnabas nda Sawul, ŋa klaŋtá la galata mnduha ma haɗika Zudiya.

Slna gwal ghunay 16:6

Ka pyaftá Sulkum nda ghuɓa ta i Pwal nda Silas, ka mna gwaɗa Lazglafta ta haɗika Asiya. Ka sliʼaftá həŋ ka laghu nda ta haɗika Frizi nda ya ta haɗika Galat.

Slna gwal ghunay 18:23

Tahula nzɗavatani gerger ma luwa Aŋtakiya ta haɗika Siri, ka sliʼaftá tsi ka laghu da ranaftá haɗika Galat, nda haɗika Frizi, ka vla mbraku ŋa inda gwal zlghay nda ŋuɗuf.

Slna gwal ghunay 24:17

« Nda kɗa fitika ɗa manda dgata ɗa ta vgha nda Ursalima, kəl yu ka vradaghata, ka kladanaghata nda tsedi ŋa kataŋtá mnduha ɗa, nda ya ŋa planatá ghəŋ ta Lazglafta.

Slna gwal ghunay 9:13

Ka Hananiya mantsa: « Mghama ɗa, nda ndəgha mnduha ta mnihatá gwaɗa ta ghəŋa tsa mndu ya, ka rusiftá həŋ ta inda ghwaɗaka skwi magana tsi ta mnduha gha ma Ursalima.

Slna gwal ghunay 9:41

Ka ŋanatá Piyer ta dzvu, ka sliʼanafta ka sladata. Ka hgadamtá tsi ta gwal zlghay nda ŋuɗuf, nda tsa la wadguha ya, ka maranaŋtá həŋ ta nzakwa ni nda hafu.

La Ruma 12:13

Dguvuswa dga ta skwa ghuni nda gwal zlghay nda ŋuɗuf ta pɗay. Tsuʼawatsuʼa ta mayəm.

1Kwa 11:34

Ka si maya ta kuzlaŋtá mndu katsi, zuta ni ta skwa zay ni mintgha ni, da nzaku tsa tska vgha ghuni ya ka kla ghəŋa ghuni da guma Lazglafta. Pɗakwa hamata skwiha ya ná, dzaʼa payafta baɗu laba ɗa da kaghuni yu.

1Kwa 16:15

Zwana ma ɗa, nda sna kaghuni ta Stefanas nda gwal ga taŋ tani, hahəŋ taŋtaŋa gwal ta zlghaftá *Yesu *Kristi ta haɗika Akaya, ka fata həŋ ta ghəŋa taŋ ŋa maganatá slna ta mnduha Lazglafta. Tsaya ta kəl yu ka mnaghunata kazlay:

1Kwa 4:17

Tsaya tama, ghunaf ghuna yu ta Timute ta nzakway ka zwaŋa ɗa ya ɗvu yu. Ŋərma mndu ya ta tva Mgham Yesu. Ta tvi səla ni ŋa lagha havglaghunaktá tva nzakwa ɗa ma Yesu Kristi, nda ya ka yu ta taghay ŋa Iglizha ma inda vli.

Galat 1:2

Ta ga zgu inda zwana ma ta nzaku kawadaga nda iʼi hadna, ŋa inda kaghuni gwal zlghay nda ŋuɗuf ta haɗika Galat.

Galat 2:10

Ka havapta kuni ka gwal ka pɗu, ka həŋ yeya skwi mnaŋna həŋ. Ka mag yu guli ta tsa slna ya.

Filimuŋ 1:5

kabga sniɗigha sna na zlghay ya zlghaf ka ta Mghama mu *Yesu *Kristi, nda ɗvuta ya ɗvu ka kahwathwata ta gwal zlghay nda ŋuɗuf.

Filimuŋ 1:7

Zwaŋama ɗa, mndərga tsa ɗvuta ɗvu ka ta gwal zlghay nda ŋuɗuf ya ná, vliha vla ta rfu, ta ufiha ta vgha guli, kabga ɗvu ɗva ka ta gwal zlghay nda ŋuɗuf, ka mbanaftá həŋ.

Hebru 6:10

Lazglafta ná, tɗukwa tsatsi, haɗ dzaʼa zanaptá slna ghuni ya maga kuni, ŋa kataŋtá zwana ma ghuni gwal zlghay nda ŋuɗuf, ya ta gɗata kuni ta kata həŋ ndanana guli ya wa.

1 Yuhwana 3:17

Ka mamu skwi da mndu, ka nghaŋtá tsi ta zwaŋama ni ta pɗay, ka laghu tsi da nghay nda iri katsi ná, laviŋ a tsa mndu ya ta mnay kazlay: Ta ɗvay yu ta Lazglafta kəʼa wa.