1Kwa 13:3 - Hdi

³ Dər má hlafha yu ta inda skwa ɗa ka daganaftá gwal ka pɗu, dər má vlaha yu ta ghəŋa ɗa ŋa pla ghəŋ, ka haɗ yu ta ɗvutá mndu wu katsi, haɗ sana skwi dzaʼa kataɗifta tsaya wa.

1Kwa 13:3 Iomraidhean Croise

Mata 23:5

Inda slna ta mag həŋ ná, ta magay həŋ ŋa nghay wa ira mnduha. Mantsa ya ná, ɓərzləzla ka hahəŋ ta mbaghaftá ŋa taŋ ayaha ta fuŋta ta wa bizlbizla kuma, nda ya ta dzvu. Zutut ka həŋ ta zlaŋtá dzva lguta taŋ.

Lukwa 18:22

Na snaŋta Yesu ta tsaya, kaʼa mantsa: « Turtuk skwi ta pɗəgədaghawta. La dzawiŋtá skwiha gha, ka daganafta ka ta tseda ni ta la ka pɗu, dzaʼa mutsay ka ta gadghəl ta luwa, ka vrakta ka, ka dzaʼa ka mista ɗa, » kaʼa.

Lukwa 18:28

Ka *Piyer mantsa: « Aʼa! Wana aŋni ta zlaŋtá inda skwa ŋni, ka dzaʼa mista gha, » kaʼa.

Lukwa 19:8

Ka sladata Zakayus, kaʼa nda Mgham Yesu mantsa: « Sna ɓa Mghama ɗa! Dzaʼa daganaftá slɓahwa gadghəla ɗa yu ta la ka pɗu. Ka mamu mndu si hulgudunus yu ta skwa ni, fwaɗ səla dzaʼa planamta yu ta va tsa skwa ni ya guli, » kaʼa.

Yuhwana 12:43

Malaghu mala ɗvafta taŋ ta ghubu da mnduha ka ya da Lazglafta.

Yuhwana 13:37

Ka Piyer mantsa: « Mghama ɗa! kabgawu dzaʼa kwal yu laviŋtá ɓhata mista gha ndanana? Dər ŋa dzatá iʼi tsi, fa fa yu ta vgha ɗa ka ŋa gha, » kaʼa nda tsi.

Yuhwana 15:13

Haɗ sana ɗvutá mndu ta malaghuta ta ghəŋa vlata mndu ta hafa ni ŋa graha ni wa.

Yuhwana 6:63

Sulkuma Lazglafta ta vla hafu, haɗ sana skwi laviŋ mnda səla ta magata wa. Na gwaɗa mnaghuna yu na ná, Sulkum nda hafu ya.

Slna gwal ghunay 21:13

Ka Pwal nda aŋni mantsa: « Ta ghəŋa wu ta tawa kuni ta taw. Ta kumay kuni ta giɗiftá zləŋ ra? Iʼi taɗa ná, ŋa habaftá iʼi yeya a wu, dər má ŋa dzatá iʼi ma Ursalima ta ghəŋa hga Mgham *Yesu tsi, nda fa vgha ɗa, » kaʼa.

Galat 5:26

Ma glə mu ta ghəŋ! Ma zbə mu ta gwaɗa da mndu, ma drə mu ta draku guli.

Filip 2:3

Ma dagə kuni ta vgha ka gla ghəŋ, leɓtekwa ka kuni nzata. Ka mali ta ghəŋa kaghuni ka kuni ngha mnduha.

1Tim 4:8

Skwi ɗina zavzava ŋa hwaya us ma vgha, ama sira a katu mida wa. Ndiʼatá vgha nda Lazglafta katək na vərɗa skwi ta kata mndu ma inda skwi, kabga da tsatsi na tata imi ta sləməŋ ta ghəŋ nzaku ya ndanana, nda nzaku ya ta kəma.

Hebru 13:9

Ɗasuwa ka kuni, yaha sana ghwaɗaka tagha skwiha kavghakavgha da sagha da ghəŋa ghuni. Zɗakatahuɗa Lazglafta na skwi ta mbranaftá ŋuɗufa mndu. Tagha skwi kavghakavgha ta ghəŋa za skwa zay a wa. Gwal ta ksa tva mndərga tsa tagha skwi ya ná, haɗ ta kata həŋ wa.