1Kwa 1:5 - Hdi

⁵ Manda va tsaya nzakwa ni. Ma tsa guyatá vgha ghuni nda tsi ya ná, vlaghuna vla ta inda skwiha. Tsaya kəl kuni ka laviŋtá gwaɗa nda snaŋta mnigiŋtá vərɗa skwiha guli.

1Kwa 1:5 Iomraidhean Croise

Slna gwal ghunay 2:4

Ka ndaghaftá həŋ demdem nda Sulkum nda ghuɓa. Ka gi gwaɗ həŋ ta gwaɗa nda sanlaha ma gwaɗaha manda ya vlaŋ Sulkum ta həŋ ŋa gwaɗay.

La Ruma 11:12

Ka si klanak kla tsa zlambakwa taŋ ya ta skwi ɗina ta ghəŋa haɗik, klanak kla tsa hta ta həŋ ya guli ta skwi ɗina ta gwal kul nzakway ka la Yahuda katsi, kighkigh dzaʼa nzakwa tsi baɗu vravakər inda la Israʼila tama?

La Ruma 15:14

Zwana ma ɗa, graf gra iʼi ka ghəŋa ɗa kazlay: Nda fa vgha ghuni ŋa maga skwi ɗina, nda sna kuni ta inda skwi ya nda ra ka snaŋta, nda sna kuni ta tva vluvtá hiɗaku kəʼa.

La Ruma 15:4

Tsaw inda skwi ya vindaf lu ma deftera Lazglafta manda ghalya ná, vindaf vinda lu ŋa gunamatá sləməŋ, kada nzakwa mu nda fata ghəŋ ta Lazglafta, ma lɓa ŋuɗuf nda ksa ŋuɗuf ya ta mnamata gwaɗa Lazglafta.

1Kwa 12:10

Mbrakwa maga mazəmzəmha vlaŋ tsi ta sani. Mbrakwa kla lwa Lazglafta vlaŋ tsi ta sani. Mbrakwa galaptá sulkumha vlaŋ tsi ta sani. Mbrakwa laviŋtá gwaɗa nda sana gwaɗaha vlaŋ tsi ta sani. Mbrakwa snaŋtá tva mbəɗigiŋtá tsa gwaɗaha ya vlaŋ tsi ta sani.

1Kwa 12:8

Mbrakwa gwaɗa nda ɗifil vlaŋ Sulkum ta sani. Midala gwaɗa vlaŋ va tsa Sulkum ya ta sani.

1Kwa 13:2

Dər má mutsaf mutsa yu ta mbrakwa kla lwa Lazglafta, dər má nda sna yu ta inda skwi nda ɗifatá skwa Lazglafta tani, dər má mamu zlghay nda ŋuɗuf da iʼi ŋa sliʼanaftá ghwáha, ka haɗ yu ta ɗvutá mndu wu katsi, skwi bətbət yu.

1Kwa 13:8

Haɗ ɗvutá mndu ta kɗaghuta ɗekɗek wa. Dzaʼa kɗaghukɗa kla lwa Lazglafta, dzaʼa kɗaghukɗa gwaɗa sanlaha ma gwaɗa, dzaʼa kɗaghukɗa snaŋtá skwi guli.

1Kwa 14:26

Zwana ma ɗa, nu ta raku ŋa magay tama? Ka ta tska vgha kuni, ta fa laha sanlaha, ta tagha skwi ŋa mndu sanlaha, kligiŋta ɗifatá skwa Lazglafta ŋa sanlaha, mna gwaɗa nda sanlaha ma gwaɗaha ŋa sanlaha, mbəɗigiŋtá ŋa sanlaha, ŋa ŋlaku ká inda ni demdem.

1Kwa 8:11

Tsaya tama, tsa skwi maga kagha ta mnay kazlay: Nda « sna iʼi ta skwi » kəʼa ya ta zaɗiŋtá tsa zwaŋama kul haɗ mbrakwa ni mtu Kristi ta ghəŋa tsatsi ya guli.

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

2Kwa 6:10

Ma skwi má ŋa ɓasay ŋni ta ŋuɗuf ya ná, rfu ŋa aŋni ta rfay. Ka pɗu həŋ, ka lu nda aŋni, tsaw nda ndəgha mnduha ta nanaftá aŋni ka gadghəl. Mamu skwa taŋ ra, ka lu nda aŋni, tsaw ŋa ŋni inda skwi demdem.

2Kwa 8:7

Ma inda skwi ná, galipi kaghuni ka sanlaha. Galipi kuni ma zlghay nda ŋuɗuf, ma mna gwaɗa Lazglafta nda tva ni, ma snaŋtá kahwathwata, ma ŋavata ghuni ka maga slna Lazglafta, ma ɗvutá ya ɗvu kuni ta aŋni. Ya mantsa ya tsi ya tama, magawa maga ta tsa ŋərma slna ya nda ŋuɗuf turtuk.

2Kwa 9:11

Ŋa gɗata ni ta tfaghunaghata wi ma inda skwi, ŋa nzakwa ghuni ka gwal ta muvla inda fitik. Ŋa rfay ndəghata mnduha ta Lazglafta ta ghəŋa katuha ya ta vlata həŋ nda ma dzva ŋni.

Afisus 1:17

Tsatsi ná, Da dagala ya. Ŋa ni ta maganata Mghama mu Yesu Kristi ta slna. Da tsi ta ndəɓa yu ta dzvu ka vlaghunata tsi ta ɗifil dzaʼa kəl kuni ka laviŋtá snaŋtá vərɗa tsatsi.

Afisus 2:7

Mantsa ya maramaŋta tsi ta zɗakatahuɗa ni nda ma Yesu Kristi, ŋa nghaŋta mnduha dzaʼa yay lu ta kəma ta nzakwa glakwa tsa zɗakatahuɗa ni ta malaghutá inda skwi ya.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Afisus 6:19

Magawa duʼa ta ghəŋa iʼi guli, ka saba gwaɗa tɗukwa ma wa ɗa ta gunaftá yu ta wi ka mna gwaɗa Kristi, kada nzata yu waɗah ŋa tsislanaptá mnduha ta skwi nda ɗifa ma Lfiɗa Gwaɗa.

Filip 1:9

Wya skwi ta mag yu ta duʼa da Lazglafta ta ghəŋa ghuni: Ka dzaʼa kuni ta kəma ta kəma nda ɗvutá sani nda sani. Tsaya dzaʼa kəl kuni ka snaŋtá skwi ɗina, ŋa snaŋta ghuni ta dganatá ŋərma skwi nda skwi kul ɗinaku,

Kwalus 2:3

Inda gadghəla ɗifil nda ghunislak ná, ma *Yesu Kristi ɗifaghuta həŋ.

Kwalus 3:10

Suɗava suɗa kuni ta lfiɗa nzaku, ka nuta kuni ka lfiɗa mndu, ta naku ka lfiɗ ka lfiɗ vgha ghuni ka gra vgha nda mndu ta tsafta. Mantsa ya dzaʼa kəl kuni ka snaŋta Lazglafta dardar.

Yakubu 3:13

Wati ma mndu ya nda ɗifil ma ghəŋa ni nda sna ta skwi na? Ka mara tsi ta slnaha ni nda ma nzaku ɗina, nda hanata ghəŋa ya ta mutsu lu ma ɗifil.

2 Piyer 3:18

Ama gɗavawagɗa ta dzaʼa ta kəma ta kəma ma snaŋtá Mghama mu Yesu Kristi mnda mba amu, ŋa vlaghunata ni ta zɗakatahuɗa ni. Ŋa ni glaku, daga ndanana nda ya ŋa kɗekedzeŋ. *Amin!