1Kwa 1:11 - Hdi

¹¹ Kəl yu ka mnay mantsa zwana ma ɗa ná, sliʼaf sliʼa gwal ga Kluwe ka sagha da mnihata kazlay: Ta zlərɗa wi kuni ma vgha ghuni kəʼa.

1Kwa 1:11 Iomraidhean Croise

Zlrafta 27:42

Ka snanamtá lu ta Rebeka ta skwi ta gwaɗ Ghesav, zumala ni. Ka ghunaftá Rebeka ta mndu da hgaktá Yakubu zwaŋa ni ka sagəŋ. Kaʼa nda tsi mantsa: « Wya zwaŋama gha Ghesav ta kuma plaghamtá skwi ya maga ka, nda ndana dzatá kagha.

Zlrafta 37:2

Wya ka rusa ta ghəŋa mndəra la Yakubu: Magatá ima Yusufu ghwaŋpəɗ ndəfáŋ, ka nghə tsi ta rina fisik kawadaga nda zwana ma ni guli. Ta ka galaɓay, ta nzaku kawadaga nda zwana Bilha nda ya nda zwana Zilpa miʼa da ni. Ka klədanaghatá Yusufu ta lwa sana ghwaɗaka gwaɗa mataba taŋ ta da ni.

1Kwa 1:10

Zwana ma ɗa! Kdəkwa kdək, ta ndəɓay yu ta dzvu ŋa ghuni nda hga Mghama mu *Yesu *Kristi. Dzra wa dzra ta wi, ma dagə kuni ta vgha ghuni, ka skwa turtuk ka kuni nzaku.

1Kwa 1:12

Dagavapdaga kuni mataba ghuni. Wya tsa skwi ta mnə kuni ya: « Ŋa Pwal aŋni » ka sanlaha, « ŋa Apwalus aŋni » ka sanlaha, « ŋa Kefas aŋni » ka sanlaha, « ŋa Kristi aŋni, » ka sanlaha guli, na skwi ta mnə kuni.

1Kwa 11:18

Karaku ná, ta tskavata kuni, kaghuni gwal zlghay nda ŋuɗuf tazlay ná, mamu daga vgha mataba ghuni ka lu ta snə yu. Zlah mantsa ya nzakwa ni ka yu ta gray.

1Kwa 3:3

kabga manda nzakwa mnduha ma ghəŋa haɗik tata nzakwa kuni ta nzaku. Ka si tata draku kuni, tata zlərɗa wi kuni mataba ghuni katsi ya ní, nzaku manda ŋa mnduha ma ghəŋa haɗik a ta nzaku kuni nda tsa ra? Manda ŋa taŋ tata nzakwa kuni.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

Galat 5:15

Ama ka si ta hihiʼiduvtá vgha, ka kwahuvustá vgha kuni mataba ghuni manda ŋa nimtak katsi ná, ɗaswa ká kuni da zaɗanata kuni ta ghəŋa ghuni.

Galat 5:20

wya skwi, maga mndu nda ghwani, nzaku ka ghuma, zlərɗa wi, draku, ɓasa ŋuɗuf, ɗva ghəŋ, daga vgha, kwal kul guya ghəŋ,

Galat 5:26

Ma glə mu ta ghəŋ! Ma zbə mu ta gwaɗa da mndu, ma drə mu ta draku guli.

Filip 2:14

Ma inda skwi ta mag kuni ya, ma ruruŋwaku kuni ta ruruŋwaku, ma zlərɗ kuni ta wi.

1Tim 6:4

tsa mndu ya ná, gla ghəŋ ta glə tsi, haɗ sana skwi snaŋ tsi wa. Ɗughwana a ma ndana ni wa, zlərɗutawi nda mbaɗa gwaɗa yeya snaŋ tsi. Ma tsaya ta saba drakuha, nda zlərɗutawi, nda razuha, nda ghwaɗaka uwaʼuwalakuha

Titus 3:9

Tsaghu tsa ta vgha nda zlərɗutawi ka bətbət ta ghəŋa gwaɗa ta mbəɗa mndəra mndu nda ya nda gwaɗa ta ghəŋa zlaha Musa. Haɗ ghəzliwa tsa skwiha ya wu, kata a ta mndu wa.