Zozué 9:7 - ꞌRe Ihâimana Uꞌâsi Mono Zadawa Wasuꞌu

⁷ Tane nherẽ, te Izaraéu nhihudu norĩ aibâ norĩ hã tãma nharĩ za'ra, ãne: — Ãté te 'râwimhã 're aihâimana za'ra wa'aba mo, wa'ratab za'ra. E niha wa za wasiwapari pire zém na wasisazezé hã wasima 'manharĩ za'ra ni.

Zozué 9:7 Iomraidhean Croise

Zenezi 10:17

heveu norĩ, arquita norĩ, zineu norĩ,

Zenezi 34:2

Tamemhã te heveu norĩ siré 're hâimana, Hamo na isisi hã, taha ti'ai 're, danhib'ihâ'a na 're ihâimana mono hã. Taha 'ra, Siquẽ na isisi te duré 're hâimana. Tawamhã ta hã Dina we imorĩ na te te 'madâ'â wamhã, ma tô siptete sina te te sima âri wa, tãma rob'manha.

Ezodu 3:8

Tahawa wa tô we si'ra, ezipsiu norĩ siptete na 're ihâimana za'ra mono hawi te dawazere da, ta hawi duré ti'a ĩsa'ẽne iwẽ u te danhimro mono da, ti'a iwẽ ãma cananeu norĩ, hitita norĩ, amoreu norĩ, perizeu norĩ, heveu norĩ, duré zebuzeu norĩ iwa 're ihâimana za'ra mono zéb u.

Ezodu 34:12

Itẽme i'ai'aba'réi wa'wa ti'ai 're, 're ihâimana za'ra mono norĩ me hã marĩ na 're asisaze za'ra wa'aba mono õ di za. E marĩ wa. Ta norĩ hã asisitob za'ra wa'aba zém ne hã za aima 're hâimana za'ra wa'aba mono õ'umnhasite.

Zozué 11:19

à hã 'ri nho'õmo norĩ nima hã Izaraéu nhihudu norĩ me ãma sisaze za'ra õ di, si'wapéi ãna siré 're ihâimana za'ra mono da na hã. Gibiã norĩ si ma tô ãne hã tãma 'manharĩ za'ra, nima norĩ heveu 're ihâimana za'ra mono ãma. Ihâiba amo norĩ si ma tô dasiwi waibu ni, dasi'wapéi u'âbâ.

Zozué 9:1

Tawamhã Zodã pa bâtâ zasizém niwĩ, uburé apito 're ihâimana za'ra mono norĩ hã ma tô ãne na Izaraéu nhihudu norĩ te te da'ãma i'ai'uté za'ra zé hã waihu'u za'ra, ẽtẽ ãma 're ihâimana za'ra mono norĩ hã duré romharé ãmam norĩ hã, duré uburé âporé Mediterãniu zaihâ ãmam norĩ zama, Libanu na romnhisi u hã. Ta norĩ te apito, hitita norĩ te hã, amoreu norĩ te hã, cananeu norĩ te hã, perizeu norĩ te hã, heveu norĩ te hã, duré zebuzeu norĩ te hã.

Zuize 2:2

Ti'ai 're, a'uwẽ 're ihâimana siromo za'ra mono norĩ me marĩ na 're asisaze za'ra wa'aba mono õ di za. Te za ihâiba'õ norĩ ma, isimizama zatazéb za'ra hã tiwi 're iprub za'ra wa'aba mo.” Tane nherẽ, ãne na te aima inharĩ za'ra wa'aba zarina, marĩ asiwi 'manharĩ aba õ di. E marĩ wa bété, ãne na ĩmreme hã asiwi 'manharĩ aba õ di.

Zuize 3:3

Tawamhã a'uwẽ norĩ, ti'ai hawi da te isate mono õ norĩ hã, ãne: Filisteu norĩ te, 5 na 'ri nho'õmo ãma 're ihâimana za'ra mono norĩ hã, uburé cananeu norĩ hã, Sidõniu norĩ hã, duré heveu norĩ ẽtẽ nhisi Libanu ãmamhã, Baau-Hermona na ẽtẽ nhisi hawi, Hamati na romnhisi hâimo inomro u hã.