Zozué 9:4 - ꞌRe Ihâimana Uꞌâsi Mono Zadawa Wasuꞌu

⁴ ma tô sima waihu'u za'ra, Zozuéhé ma, niha na hâimana nhipese na te te tãma 'manharĩ za'ra da. Tahawa dasa hã ma tô waibu za'ra. Te te waibu za'ra wamhã, ma tô tite awaru po're pore norĩ ba nhisiwimhã siwi 'wasa, sa'u idub'ratare hã, duré romhâ 'manharĩ na marĩ wa'u nhemezé isitari norĩ inomo hâ babarĩ ré hã.

Zozué 9:4 Iomraidhean Croise

Zenezi 34:13

Tawamhã Zacoho 'ra norĩ 'rãnhipese sina ma tô Siquẽ, imama me hã ãma siwi sada'â, ihidiba za'ra Dina te te tiwi ihâiba wamnarĩ zarina.

Salmu 119:83

Wa hã, romhâ 'manharĩ na ub'rẽ 'ratare ne marĩ dai õre nherẽ, asimiroti na hã 're ĩpo're simrami mono õ di.

Mateu 10:16

— Ma'ãpé ĩwapari pese za'ra wa'aba. Pone'ẽrebâire, robzahi wa'wa u 're isisisi mono ne, wa za datẽme asatõrĩ za'ra wa'wa. Tahawa, te za asimiza'rese 're anomro aba mo, wahi ne. Duré utu'u, marĩ iwasédé hã te te 're i'manharĩ za'ra mono õ ne, te za 're anomro wẽ wa'aba mo.

Mateu 9:17

Tane duré uwa 'rãi wa'u isé hã 're wa'ui ware mono õ ré, da te 're séme waihu'u mono õ di, romhâ 'manharĩ 'ratare 'remhã. Wa'ui ware õ ré, da te 're séme mono nherẽ, oto wa'ui ware wamhã, te za romhâ 'manharĩ 'ratare hã sina wazu. Tawamhã uwa 'rãi wa'u isé hã te za asa'wa. Romhâ 'manharĩ zama hã te za oto duré sina hâiwamna. Itép si'uiwa wap si, te za da te 're sé, dawi 're sisa'wari za'ra mono tõ da, rob'rãi wa'u ité hã. Tawapsi, romhâ 'manharĩ hã dawi 're hâsiwamnarĩ za'ra mono õ di za duré. — Ãne ma tô Zezusi hã ãma romnhimiré'é, uwa 'rãi wa'u isé, da te 're iséme mono zém na hã.

Marcu 2:22

Tane duré uwa 'rãi wa'u isé hã 're wa'ui ware mono õ ré, da te 're séme waihu'u mono õ di, romhâ 'manharĩ 'ratare 'remhã. Wa'ui ware õ ré, da te 're séme mono nherẽ, oto wa'ui ware wamhã, te za romhâ 'manharĩ 'ratare hã sina wazu. Tawamhã uwa 'rãi wa'u isé hã te za asa'wa. Romhâ 'manharĩ hã te za duré hâihaiwamna. Itép si'uiwa 'rep si, te za da te 're sé, rob'rãi wa'u té hã.

Luca 16:8

— Te te dama i'rui wasu'u, te te wapari wamhã, te tinha, isib'apito hã: “Pra. E niha rosa'rada tãma iwaihu'u pe.” Ãne te isa'u tãma tinha. — Ãne Zezusi te tãma rowasu'u za'ra, tisiré 're inomro mono norĩ ma. Ma tô duré tãma waihu'u za'ra, ãne: — Marĩ zô si, da te 're irosa'rata za'ra mono norĩ ma, waihu'u pese di, rosa'rada hã, rowa'a nhib'a'uwẽ norĩ nhipai u.

Zozué 9:12

Ma'ãpé wate i'u'ẽtẽ wapu hã asiwi 'madâ'â aba! Aré wa'ro za'ra di, wanhorõwa hawi wawairébé na we oto wa te sãna'rata za'ra wamhã ãwa. Tane nherẽ, ma tô oto ãhã na hã wawi ti'ré tete za'ra. Ma tô duré wawi ti'umimi za'ra.

Zozué 9:13

à hã romhâ 'manharĩ wa, uwa 'rãi wa'u isé hã wa te iwa i'masisi za'ra mono hã aré nomo hâ téb za'ra di. Tane nherẽ, ma tô wawi nomohâ sisinarĩ za'ra. Duré wa'uza norĩ hã, ma tô wawi hâ sisinarĩ za'ra. Duré wapara'uza hã ma tô wawi tihâpâ pese za'ra, romhâ na we iré iwasi'aba'ré zarina.

Zozué 9:3

Tawamhã heveu norĩ, 'ri nho'u Gibiã ãma 're ihâimana za'ra mono norĩ, Zerico ma, Zozué te te i'manharĩzé hã, duré 'ri nho'u Ai ma, te te i'manharĩzé hã te te wapari za'ra wamhã,

Zozué 9:5

Dapara'uza wasisi za'é i'rata na ma tô sipara'uza za'ra, isi'éré sipari na hã. Duré da'uza ihâ siwazu ahâ na ma si'uza za'ra. Tawamhã i'u'ẽtẽ wapu i'ré'a te te ihuri mono da hã ma tô duré 'wasa, i'umimire hã.