Zozué 9:3 - ꞌRe Ihâimana Uꞌâsi Mono Zadawa Wasuꞌu

³ Tawamhã heveu norĩ, 'ri nho'u Gibiã ãma 're ihâimana za'ra mono norĩ, Zerico ma, Zozué te te i'manharĩzé hã, duré 'ri nho'u Ai ma, te te i'manharĩzé hã te te wapari za'ra wamhã,

Zozué 9:3 Iomraidhean Croise

Zozué 10:1

Tawamhã apito Adoni-Zédéqui Zeruzalẽ ãmamhã, ma tô Zozué 'ri nho'u Ai te te i'ârizé hã, uburé pese te te i'ri prubzé hã wapa, duré ite apito te te iwĩrĩzé hã. Tawamhã tô õne hã ma tô duré wapa, Zerico ma iromhâimanazé hã, duré apito ma. Duré Gibiã norĩ, Izaraéu nhihudu norĩ me dasi'wapéi ãna dasiré 're idahâimana za'ra mono zém na isisaze za'ra zé hã ma tô waihu'u, duré Izaraéu nhihudu norĩ wazari 're ihâimana za'ra mono zéb zama.

Zozué 10:2

Tawamhã Zeruzalẽ ãma 're ihâimana za'ra mono norĩ hã ma tô tipahi pese za'ra, 'ri nho'u Gibiã sa'ẽtẽ uptabi wa, 'ri nho'u hã dama i'rãnho'õmo nhimi'madâ'âzéb ré dama sa'ẽtẽ na 're ihâimana za'ra mono ne. Ai nhipai u sa'ẽtẽ uptabi di. Duré ite dasi'wapéi 'manharĩ'wa norĩ aibâ norĩ hã isib'ru si.

Zozué 10:28

Tawamhã Zozué, to taha bâtâ na Maqueda te te sahui wamhã, ma tô ti'â. Apito ma tô duré tiwĩ. Duré uburé 'ri nho'õmo wa, 're ihâimana za'ra mono norĩ hã ma tô uprosi. Tahawa, ni'wa hã hâiba ré hâimana õ di. Ãne ma tô Zerico ãma apito ma, te te i'manharĩzém ne hã 'manha, Maqueda ãma apito ma hã.

Zozué 10:30

Tawamhã Uburé Danhib'apito hã, 'ri nho'õmo ãma, duré apito ãma te te ãma ai'uté za'ra da hã ma tô tãma sõmri za'ra, Izaraéu nhihudu norĩ ma. Tahawa ma tô uburé iwa 're ihâimana za'ra mono norĩ hã siwi uprosi. Zerico ãma apito ma te te tãma i'manharĩ za'ra ne, ma tô Libna ãma apito ma hã siwi rob'manha.

Zozué 11:19

à hã 'ri nho'õmo norĩ nima hã Izaraéu nhihudu norĩ me ãma sisaze za'ra õ di, si'wapéi ãna siré 're ihâimana za'ra mono da na hã. Gibiã norĩ si ma tô ãne hã tãma 'manharĩ za'ra, nima norĩ heveu 're ihâimana za'ra mono ãma. Ihâiba amo norĩ si ma tô dasiwi waibu ni, dasi'wapéi u'âbâ.

Zozué 9:17

Tahawa Izaraéu nhihudu norĩ ma tô 'ri nhoré hawi wairé. Wairébé wamhã, ma tô si'ubdatõ bâtâ parip si aihutu, Gibiã norĩ te 'ri nho'õmo u, ãne iwamri norĩ 're ihâimana za'ra mono zéb u hã, Gibiã, Cefira, Be'erote, duré Quiriate-Zearĩ.

Zozué 9:22

Tawamhã Zozué, Gibiã norĩ zô hârâ wamhã, te ãne sadanharĩ za'ra: — E marĩ da, ma tô wama asadawa nhipese za'ra wa'wa, romhâ hawi we i'ai'aba'réi wa'aba na asiwasu'u za'ra wa'aba na hã wama, sena na hã ãme 're aihâimana za'ra wa'aba mono nherẽ.

Zozué 9:4

ma tô sima waihu'u za'ra, Zozuéhé ma, niha na hâimana nhipese na te te tãma 'manharĩ za'ra da. Tahawa dasa hã ma tô waibu za'ra. Te te waibu za'ra wamhã, ma tô tite awaru po're pore norĩ ba nhisiwimhã siwi 'wasa, sa'u idub'ratare hã, duré romhâ 'manharĩ na marĩ wa'u nhemezé isitari norĩ inomo hâ babarĩ ré hã.