Zozué 9:17 - ꞌRe Ihâimana Uꞌâsi Mono Zadawa Wasuꞌu

¹⁷ Tahawa Izaraéu nhihudu norĩ ma tô 'ri nhoré hawi wairé. Wairébé wamhã, ma tô si'ubdatõ bâtâ parip si aihutu, Gibiã norĩ te 'ri nho'õmo u, ãne iwamri norĩ 're ihâimana za'ra mono zéb u hã, Gibiã, Cefira, Be'erote, duré Quiriate-Zearĩ.

Zozué 9:17 Iomraidhean Croise

Esdra 2:25

Quiriate-Zearĩ ãma, duré Cefira ãma, duré Be'erote ãma, uburé simisutu hã: 743 na dahâiba hã;

Neemia 7:29

Quiriate-Zearĩ ãma, Cefira ãma me, duré Be'erote ãma me a'uwẽ hã ãne: 743 na ihâiba hã

Zozué 10:2

Tawamhã Zeruzalẽ ãma 're ihâimana za'ra mono norĩ hã ma tô tipahi pese za'ra, 'ri nho'u Gibiã sa'ẽtẽ uptabi wa, 'ri nho'u hã dama i'rãnho'õmo nhimi'madâ'âzéb ré dama sa'ẽtẽ na 're ihâimana za'ra mono ne. Ai nhipai u sa'ẽtẽ uptabi di. Duré ite dasi'wapéi 'manharĩ'wa norĩ aibâ norĩ hã isib'ru si.

Zozué 9:16

Tawamhã si'ubdatõ bâtâ parip si, ma tô Izaraéu nhihudu norĩ hã siwi upsibi me, Gibiã norĩ 'râwi 're ihâimana za'ra mono zé hã.

Zozué 9:18

Tane nherẽ, dama i'rãnho'õmo norĩ, Uburé Danhib'apito Izaraéu nhihudu norĩ te, 'Re ihâimana u'âsi mono nhisi na, ropisudu Gibiã norĩ ma, te te tãma 'manharĩ za'ra wa, Izaraéu nhihudu norĩ hã te te siwi uprosi õ di. Tahawa ma tô tite i'rãnho'õmo norĩ ma hã, uburé a'uwẽ norĩ hã tãma aiwapsari za'ra.

Zozué 9:3

Tawamhã heveu norĩ, 'ri nho'u Gibiã ãma 're ihâimana za'ra mono norĩ, Zerico ma, Zozué te te i'manharĩzé hã, duré 'ri nho'u Ai ma, te te i'manharĩzé hã te te wapari za'ra wamhã,

Zozué 9:9

Tawamhã Gibiã norĩ ma tô ãne ãma sada'âbâ za'ra: — Wa norĩ hã asib'a'uwẽ za'ra wa'wa, romhâ na ti'ai wa'õtõ nho'õmo ãma 're iwahâimana za'ra mono, wa we ãwamhã ai'aba'ré ni, Uburé Danhib'apito, ate 'Re ihâimana u'âsi mono wasu'u wa te wapari za'ra wa. Õ hã Ezitu ãma uburé te te i'manharĩzé wasu'u hã wa tô wapari za'ra ni.

Zuize 18:12

Oto si'aba'réi wamhã, ma tô 'ri nho'u Quiriate-Zearĩ bâtâ zasizém niwĩ sima 'ri nhoré za'ra, Zuda ti'ai 're ihâimana ãma. Tahawa ta hã romnhisi te zahadu ãhã na zama da te ãma 're rowamri za'ra, Ma'ane-Dã na.

1 Samuéu 6:21

Tahawa, ma tô romreme 'wapéi'wa hã satõrĩ za'ra, Zearĩ ãma 're idahâimana za'ra mono norĩ ma, te te rowasu'u za'ra da, ãne: — Filisteu norĩ hã ma tô we apâ siwi tisõ Uburé Danhib'apito te, wedehâ're hã. Tahawa, we ai'aba'réi wa'aba ãwa, wedehâ're hã asiwi âri aba da.

1 Samuéu 7:1

Tawamhã aibâ norĩ, 'rinho'u Zearĩ ãma 're ihâimana za'ra mono norĩ hã ma tô ai'aba'ré, Uburé Danhib'apito nhimiroti ré wedehâ're hã te te siwi âri da. Tawamhã ma tô siwi ti'â. Duré te te siwi âri wamhã, ma tô siwi tihi Abinadabi na aibâ nhisi nhorõwa ãma ẽtẽ'rãirã nhisiwi 're isa mono ãma. Tawamhã Eriazaha 'ra hã ma tô sada pisutu za'ra, 'Re ihâimana u'âsi mono nhimiroti ré wedehâ're hã te te 're i'madâ'â mono da hã.