Zozué 9:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã we wa te i'wasari da, dasa wa te ubumro za'ra da hã, ma tô wanhib'ihâ'a norĩ wama 'ru za'ra, duré uburé warob 're, 're idahâimana za'ra mono norĩ hã. Ma tô wama 'ru za'ra, wa te asõpẽtẽ za'ra wa'aba wa, ãne wa te aima nharĩ za'ra wa'aba da hã: “Wa norĩ hã aima za'ra wa'aba romhuri'wa za oto! Tahawa ma'ãpé dasi'wapéi ãna dahâimanazém na dasisazezé hã wama 'manharĩ za'ra wa'aba.”

Zozué 9:11 Iomraidhean Croise

Zenezi 43:12

Rob'uiprazéb zama te za duré ãma isisiwi na tãma i'wasari 'wa za isiré. E marĩ wa. A norĩ wa'wa sa'ui 're amnho we i'wasari aba zu, isõpẽtẽ za'ra wa'aba wa'rãmimhã, apâ tãma isõmri za'ra wa'aba da si, ta hã te te ai'uptob za'ra wa'aba dâ'âsina. Ãté ta hã ma te sa'rese ãna aima séme za'ra wa'aba ni.

Luca 9:3

Ãne te tãma roti za'ra: — Ai'ubana te za 're anomro aba mo. Marĩ hã asiré 're 'wasari aba mono õ di za, asiwazusizé hã, duré romramizé hã. Duré marĩ hã 'wasari aba õ di za, mra hã, duré rob'uiprazé hã, duré ai'uzazé, asõ'utu'u wa'wa hã. Datẽme 're aihutu aba mono wamhã, ãté 're aihutu aba mono wi, te za da te 're asawi za'ra wa'wa.

Zozué 1:11

— A'uwẽ norĩ romhâ 'manharĩ na 'ri te te sima isõré mono wa'waibaba, ma'ãpé ropéi wa'aba mono, ãne tãma waihu'u za'ra wa'aba mono da: “Dasa norĩ hã ma'ãpé asiwi ubumroi wa'aba mono, si'ubdatõ bâtâ na ã hawimhã za aiwairébé aba wa, Zodã pa â na saprĩ za'ra wa'aba da, Uburé Danhib'apito ate 'Re ihâimana u'âsi mono 'wa, ti'a za te te aima isõmri za'ra wa'wa, asiwi âri aba da hã.”

Zozué 9:10

Zodã pa bâtâ zasizém niwĩ maparane apito amoreu 're ihâimana zahuré mono ma, marĩ te te i'manharĩzéb zama wa tô waihu'u za'ra ni; apito Seõ, Hesbõ norĩ nhib'apito ma, duré apito Ogue, Basã norĩ nhib'apito ma, Astarote ãma aré 're ihâimana mono ma.

Zozué 9:12

Ma'ãpé wate i'u'ẽtẽ wapu hã asiwi 'madâ'â aba! Aré wa'ro za'ra di, wanhorõwa hawi wawairébé na we oto wa te sãna'rata za'ra wamhã ãwa. Tane nherẽ, ma tô oto ãhã na hã wawi ti'ré tete za'ra. Ma tô duré wawi ti'umimi za'ra.

Zozué 9:8

Tawamhã ma tô ãne ãma sada'âbâ za'ra: — Wa norĩ hã aima za'ra wa'aba romhuri'wa na 're iwahâimana za'ra mono da si, wa wasima wẽ za'ra ni! Tawamhã Zozué te sadanharĩ za'ra ãne: — E 'wam norĩ hã bété, a norĩ wa'wa hã. E ma hawi we i'ai'aba'réi wa'wa bété.