Zozué 9:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zodã pa bâtâ zasizém niwĩ, uburé apito 're ihâimana za'ra mono norĩ hã ma tô ãne na Izaraéu nhihudu norĩ te te da'ãma i'ai'uté za'ra zé hã waihu'u za'ra, ẽtẽ ãma 're ihâimana za'ra mono norĩ hã duré romharé ãmam norĩ hã, duré uburé âporé Mediterãniu zaihâ ãmam norĩ zama, Libanu na romnhisi u hã. Ta norĩ te apito, hitita norĩ te hã, amoreu norĩ te hã, cananeu norĩ te hã, perizeu norĩ te hã, heveu norĩ te hã, duré zebuzeu norĩ te hã.

Zozué 9:1 Iomraidhean Croise

Ezodu 3:17

Wa hã wa tô rowairébé, Ezitu ãma da te tãma 're irob'manharĩ wasété za'ra mono zém hawi te sani za'ra da hã. Tahawa wa za te simro ti'ai wẽ u, duré ti'a simarĩ pese na 're isa'wari mono u, cananeu norĩ iwa 're ihâimana za'ra mono zéb u, hitita, amoreu, perizeu, heveu, duré zebuzeu.”

Ezodu 34:11

Ma'ãpé ĩnhimiroti ãhã na te aima isõmri za'ra wa'wa hã 're wapari pese za'ra wa'aba mono. Tahawa, aiwana wa'aba wa za amoreu norĩ hã, cananeu norĩ hã, hitita norĩ hã, perizeu norĩ hã, heveu norĩ hã, duré zebuzeu norĩ hã te wano'õ za'ra za, ti'ai hawimhã.

Zozué 1:15

Tawamhã Uburé Danhib'apito, wate 'Re ihâimana u'âsi mono, ti'a za te te tãma isõmri za'ra na hã te za ãma ate za'ra, iwa 're hâimana za'ra mono da oto. Ãne niwa marĩ hâimana wamhã, te za asipti'ai u apâ we ai'aba'réi wa'wa, za iwa 're aihâimana za'ra wa'aba mono da, Mozési, 'Re ihâimana u'âsi mono ma romhuri'wa, ãme te te aima isõmri za'ra wa'aba ãma, Zodã pa â bâtâ pusizém niwĩmhã.”

Zozué 1:4

Ãne asipti'a zada'ré mono hã za: Hâiwa nhimire niwĩmhã, rop si 're irosa'wari mono u isada'ré hã; hâiwa nhimi'e niwĩmhã, ẽne Libanu na isisi u isada'ré hã; bâtâ pusizém niwĩmhã, panho'u â isa'ẽne Eufrati na isisi u isada'ré hã; uburé hitita norĩ nhipti'ai u zama isada'ré hã; duré bâtâ zasizém niwĩmhã â poré u isada'ré hã.

Zozué 10:23

Tawamhã ma tô tô ãne hã tãma 'manharĩ za'ra. Zeruzalẽ ãma apito, Hebrõ ãma apito, Zamute ãma apito, Laqui ãmap te hã, duré Égrõ ãmap te hã, ẽtẽ na ab're hawi te te siwi sani za'ra wamhã,

Zozué 11:17

Taha ro hã Halaque na ẽtẽ wamri hawi, Se'i na romnhisi 'ratamhã, Libanu ãma romharé niwĩ Baau-Gadi na 'ri wa'õtõ nhisi u hã te nomro, Hermo na ẽtẽ zahâpâ na'rata ãma. Zozué hã taha rom norĩ na ma tô uburé uprosi, apito norĩ hã.

Zozué 23:4

Ma'ãpé ãma aipo're pu'u za'ra wa'aba! Wa hã wa tô ti'a hã aima te po'o 'wa, Izaraéu nhihudu wa'õtõ mono bâ, zahadu wa te ãma i'ai'uté za'ra õ tede'wa na 're aihâimana za'ra wa'aba mono da. Ãne wa tô duré danhipti'a na wa te ãma i'ai'uté za'ra hã te aima po'o 'wa, Zodã pa nho'õmo hawimhã, bâtâ pusizéb u hã, duré pu'u wawẽ Mediterãniu u hã, bâtâ zasizém niwĩmhã.

Zozué 24:11

A norĩ wa'wa pa nho'u Zodã pa na saprĩ za'ra wa'aba pari, ma tô 'rinho'u Zerico u hã aihutu 'wa. Tawamhã Zerico ãma aibâ norĩ ma tô ai'wapé za'ra wa'wa. Duré taha pari amoreu norĩ zama ma tô ai'wapé za'ra wa'wa, perizeu norĩ, cananeu norĩ, hitita norĩ, gigazeu norĩ, heveu norĩ, duré zebuzeu norĩ hã. Ãhã wa, wa hã da'ãma i'ai'uté za'ra wa'aba zéb da hã wa tô asib'rata aima sõmri za'ra wa'wa.

Zozué 3:10

Ãne wamhã, 'Re ihâimana u'âsi mono idâ'â'õ asiré ihâimana za'ra wa'aba na te za iwaihu'u za'ra wa'wa, sena na cananeu norĩ hã, hitita norĩ hã, heveu norĩ hã, perizeu norĩ hã, gigazeu norĩ hã, amoreu norĩ hã, duré zebuzeu norĩ hã za te te isani za'ra na zama.

Zozué 3:17

Izaraéu nhihudu norĩ hã ti'ai 'ré te te iwati'i za'ra na ma tô saprĩ za'ra. Taha ré, ma tô sasedoti norĩ 'Re ihâimana u'âsi mono nhimiroti ré wedehâ're 'manharĩ te te siwi i'âri hã rob'ré wa iré mazahâri za'ra Zodã pa â wa'wamhã. Tahawa, ma tô a'â tamem haré aimasa, uburé da te ãma isaprĩ za'ra zéb u.

Zozué 5:1

Tawamhã uburé amoreu nhib'apito norĩ, Zodã pa zara niwĩ bâtâ zasizém niwĩ 're ihâimana za'ra mono norĩ hã duré Cana'ã nhib'apito norĩ, âporé Mediterãniu zaihâ na 're ihâimana za'ra mono norĩ zama, ma tô waihu'u za'ra, Zodã pa â, Uburé Danhib'apito te te i'rézé hã, Izaraéu nhihudu norĩ te te ãma isaprĩ za'ra zéb da hã. Tahawa Izaraéu nhihudu norĩ hã isiniwĩ te te oto saprĩ za'ra wamhã, ma tô ta norĩ hã tãma tipahi pese za'ra. Ma tô duré siptete hai'utõrĩ za'ra.

Zozué 6:27

Ãne ma tô Uburé Danhib'apito, Zozuéhé siré tihâiba. Tawamhã ma tô iwasu'u za'ẽne hã ti'ai wa'õtõ nho'õmo mono bâ te te ropé.

Zozué 9:7

Tane nherẽ, te Izaraéu nhihudu norĩ aibâ norĩ hã tãma nharĩ za'ra, ãne: — Ãté te 'râwimhã 're aihâimana za'ra wa'aba mo, wa'ratab za'ra. E niha wa za wasiwapari pire zém na wasisazezé hã wasima 'manharĩ za'ra ni.