Zozué 8:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã Zozué ma tô, tô dasi'wapéi 'manharĩ'wa norĩ hã satõrĩ za'ra. Te te satõrĩ za'ra wamhã, ma tô Ai norĩ wa'wa Bétéu 're me tame rowa'wa sima'uri za'ra da hã ai'aba'ré, Ai ãma bâtâ zasizém niwĩ. Tane nherẽ, Zozuéhé ãma, romhâ 'manharĩ na 'ri nhoré ãma a'uwẽ norĩ siré hã ma tô ãma ti'awẽ.

Zozué 8:9 Iomraidhean Croise

Zenezi 12:8

Taha pari Abrã, Bétéu na 'ri nho'õmo nhisi ãma bâtâ pusizém niwĩ, ẽtẽ ahâ na 're iromhâimana mono u hã, te duré oto mo. Tawamhã tame ma tô te te sima 'ri nhoré. Bétéu hã te bâtâ zasizém niwĩmhã 're hâimana, duré Ai na 'ri wa'õtõ nhisi te bâtâ pusizém niwĩmhã 're hâimana. Ta norĩ wa'wa te te sima i'ri nhoré mono hã ma tô simasa. Tawamhã tameb zama ẽtẽ za'ra te te 'manharĩ wamhã, ma tô duré Uburé Danhib'apito ãma hã tiwata.

Zenezi 32:21

Tawamhã taha zarina ma tô, isõprubzéb hã, iwana te te simroi mono da hã, tinhib'a'uwẽ norĩ ma tãma rob'ru za'ra. Tane nherẽ, ma tô Zaco hã isa'u za'ra te te sima i'ri nharĩ 'remhã ãma ti'awẽ.

Neemia 7:32

Bétéu ãma, Ai ãma me, a'uwẽ hã ãne: 123 na ihâiba hã

Zozué 7:2

Tawamhã Zozué ma tô aibâ norĩ hã satõrĩ za'ra, Zerico hawi si'aba'ré da, Ai na 'ri nho'õmo nhisi u, Bétéu bâtâ pusizém niwĩ 're ihâimana mono niwĩ, Bete-Awé na romnhisi 'ratamhã. Ti'a te te siwi 'madâ'â da, ma tô satõrĩ za'ra. Tawamhã oto ta norĩ hã si'aba'réi wamhã, ma tô 'ri nho'u siwi waihu'u wẽ.

Zozué 8:10

Ãma awẽ wamhã, mararé uptabi ma tô udu. Ma tô duré dasi'wapéi 'manharĩ'wa norĩ hã 'rã'õtõ. Tawamhã Zozué hã, Izaraéu nhihudu norĩ ma i'rãnho'õmo norĩ me hã ma tô a'uwẽ norĩ nhowamhã te te ropãrĩ za'ra mono sina sisõré pese na ai'aba'ré, Ai nho'õmoi wa'waibaba.

Zozué 8:12

Tawamhã Zozué, aibâ norĩ 5 miu na bâtâ zasizém niwĩ isima'uri za'ra da hã ma tô sõré, Aihi 'rem norĩ me, Bétéu me.

Zozué 8:8

Tawamhã 'ri nho'u asiwi âri aba parimhã, te za uzâ hã ãma isõré wa'aba mo, si'unhama da, Uburé Danhib'apito te te i'ruzéb zarina. Ãne wa aima 'ru za'ra wa'wa.

1 Samuéu 30:27

Tawamhã Dawi hã ma tô tinhoprubzé hã sõmri za'ra, ãne 'ri'ahâ nhisi norĩ ãma dama i'rãnho'õmo norĩ ma hã: Bétéu, Rama hâiwa nhimi'e niwĩ Zuda ti'ai ãma, duré Zati,