Zozué 8:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã 'ri nho'u asiwi âri aba parimhã, te za uzâ hã ãma isõré wa'aba mo, si'unhama da, Uburé Danhib'apito te te i'ruzéb zarina. Ãne wa aima 'ru za'ra wa'wa.

Zozué 8:8 Iomraidhean Croise

Zozué 1:16

Tawamhã ta norĩ hã ma tô ãma sada'âbâ za'ra ãne, Zozué hã: — Uburé wama i'ru za'ra zé hã wa za 'manharĩ za'ra ni tô. Duré 're wazatõrĩ za'ra mono sidâpâsi, wa za tô 're wanomro.

Zozué 1:9

Ĩnhimirowaihu'u na aima hã, ma'ãpé ãma aipo're pu'u: “Asiptete, duré asib'ru na! Aiwi robzei'õ tõ, duré aipahi tõ! E marĩ wa. Wa hã Uburé Danhib'apito, ate 'Re ihâimana u'âsi mono, nimomo 're ane mono sidâpâsi, wa za asiré 're ĩhâimana.”

Zozué 6:24

Tawamhã 'ri nho'õmo ãma ma tô oto siwi ro'o, duré uburé pese marĩ iwa ihâimana za'ra ãma. Tane nherẽ, ẽtẽ waipo pré oru 'manharĩ norĩ hã, ẽtẽ waipo prã prata 'manharĩ, ẽtẽ topsada brõzi 'manharĩ, duré isi'uwazi tete 'manharĩ norĩ hã da te ãma dasiwi ro'o õ di. Ã norĩ si ma tô Uburé Danhib'apito nhorõwa 're, marĩ iwa'âbâ za'ẽtẽ nhemezéb 're dasiwi séme ni.

Zozué 8:13

Ãne te te da'wapé za'ra da, dasi'wapéi 'manharĩ'wa, da te isõré hã: ni'wam norĩ hã romhâ 'manharĩ na 'ri nhoré hã, 'ri nho'u hâiwa nhimi'e niwĩ ihâimana ãma, duré ihâiba amo norĩ hã bâtâ zasizém niwĩ. Tawamhã Zozuéhé ãmamhã ma tô ti'awẽ, romharé ãma.

Zozué 8:2

Tahawa te za ã hã 'ri nho'õmo ma, Zerico ma, i'manharĩ za'ra wa'aba ne hã tãma i'manharĩ za'ra wa'wa za. Tawamhã ãhã na uburé pese marĩ mono hã, powawẽ norĩ hã te za aima tihâimana za'ra wa'wa. Tahawa ma'ãpé pi'uriwi 'ri nho'õmo babarã u ni'wam norĩ satõrĩ za'ra na, simiza'rese õ ré bâtâ pisutu zarina te te isusi za'ra da hã.

Zozué 8:22

Tawamhã 'ri nho'õmo ãma Izaraéu nhihudu norĩ ihâimana za'ra zama ma tô wairé, Ai te, aibâ norĩ te te 'wapé za'ra da hã. Ãhã wa, aibâ norĩ ma tô uirĩ pese za'ra ni. Tahawa ma tô Izaraéu nhihudu norĩ nhib'rata ai'utõ.

Zozué 8:28

Zozué hã ma tô duré Ai ãmamhã ãma sazu. Tahawa ma tô isiprubzé sa'ra 'rãihâ na 're hâimana u'âsi. Tahawa, te ãhã na zama baba na hã 're hâimana.

Zozué 8:7

Tawamhã ãhã ré, i'aima'uri za'ra wa'aba zém hawimhã te za aiwairébé 'wa. Tawamhã te za 'ri nho'u asiwi i'âri 'wa. Tawamhã Uburé Danhib'apito, wate za'ra 'Re ihâimana u'âsi mono te za Ai hã aima sõmri za'ra wa'wa.

Zozué 8:9

Tawamhã Zozué ma tô, tô dasi'wapéi 'manharĩ'wa norĩ hã satõrĩ za'ra. Te te satõrĩ za'ra wamhã, ma tô Ai norĩ wa'wa Bétéu 're me tame rowa'wa sima'uri za'ra da hã ai'aba'ré, Ai ãma bâtâ zasizém niwĩ. Tane nherẽ, Zozuéhé ãma, romhâ 'manharĩ na 'ri nhoré ãma a'uwẽ norĩ siré hã ma tô ãma ti'awẽ.

Zuize 4:6

Tawamhã nimahã bâtâ na ma tô Baraqui, Abino'ãhã 'ra zô hâ, Naftalihi nhihudu norĩ nhipti'ai ãma 'rinho'u Quedesi na isisi ãma 're ihâimana mono zô. Sô hârâ wamhã, ma tô ãne tãma tinha: — Ãne ma tô Uburé Danhib'apito, Izaraéu nhihudu norĩ te 'Re ihâimana u'âsi mono we aima ti'ru: “Ma'ãpé, Naftalihi nhihudu si'aibâ norĩ duré Zébulõhõ nhihudu si'aibâ norĩ zama 10 miu na pisutu za'ra na. Taha parimhã, te za isimroi mo, Tabo na ẽtẽ nhisi u.