Zozué 8:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã ãhã ré, i'aima'uri za'ra wa'aba zém hawimhã te za aiwairébé 'wa. Tawamhã te za 'ri nho'u asiwi i'âri 'wa. Tawamhã Uburé Danhib'apito, wate za'ra 'Re ihâimana u'âsi mono te za Ai hã aima sõmri za'ra wa'wa.

Zozué 8:7 Iomraidhean Croise

Zozué 8:1

Tawamhã te Uburé Danhib'apito hã tinha ãne, Zozuéhé ma: — Aipahi tõ! Sada asib'ru na! Uburé ate dasi'wapéi 'manharĩ'wa norĩ me, 'ri nho'u Ai zada, asõré pese na ai'aba'réi wa'aba. Wa hã wa za ta norĩ nhib'apito ãma i'ai'uté za'ra wa'aba zéb da hã aipawaptob za'ra wa'wa. Tahawa asib'ratab za'ra wa'aba, wa za Ai ãma a'uwẽ norĩ hã duré 'ri nho'u hã, duré isipti'a za'ra zama aima sõmri za'ra wa'wa.

Zozué 8:6

Tawamhã ta norĩ hã wazarina sisa'rei mono wamhã, te za 'ri nho'õmo nhiti wama sina tipahâ za'ra. Te za duré imorĩ'rata na wapahi te, tãma iwasisa'rei mono ne hã, wasisa'rei mono newa, wa'ãma rosa'rata za'ra.

Zozué 8:8

Tawamhã 'ri nho'u asiwi âri aba parimhã, te za uzâ hã ãma isõré wa'aba mo, si'unhama da, Uburé Danhib'apito te te i'ruzéb zarina. Ãne wa aima 'ru za'ra wa'wa.

1 Samuéu 23:4

Tawamhã Dawi, Uburé Danhib'apito hã ma duré isadanharĩ na ãma sahu. Tahawa, ma ãne ãma tãma wa'rã: — Mo oto aimorĩ Queira u, a'wapé da, za te aima sõmri wa, filisteu norĩ ãma i'ai'uté za'ra zé hã.