Zozué 8:33 - ꞌRe Ihâimana Uꞌâsi Mono Zadawa Wasuꞌu

³³ Tawamhã uburé Izaraéu nhihudu norĩ, ite za'ra i'rãnho'õmo norĩ, dama ipire norĩ, da'ãma rowairébé'wa norĩ, duré uburé isiré a'uwẽ'õ norĩ, iwazari 're ihâimana za'ra mono norĩ zama ma tô 'Re ihâimana u'âsi mono te, wedehâ're 'manharĩ a're si'uiwa na hã aimasa, levita sisasedoti norĩ te te siwi imrami mono nhowamhã. Duré a'uwẽ aiwa ãma isipo'o na ma tô ẽne Gerizi na isisi nho'remhã, duré Ebau na ẽne isisi nho'remhã aimasa, Mozési te te dama iwaihu'uzéb zarina, sasedoti norĩ, 'Re ihâimana u'âsi mono zadawa para rowẽ hã za te te tãma ipisutu za'ra da hã, Izaraéu nhihudu norĩ ma.

Zozué 8:33 Iomraidhean Croise

Ezodu 12:49

Tô õhõ na si, 'Re ihâimana u'âsi mono nhimiroti hã, Izaraéu nhihudu norĩ ma hã, ti'ai wa'õtõ nho'õmo 're, 're ipoto za'ra mono norĩ ma hã duré zudeu'õ norĩ ma zama asiré za'ra wa'aba, 're ihâimana za'ra mono ma hã.

Zuwã 4:20

E mame te za 'Re ihâimana u'âsi mono ãma 're dawata za'ra. E ã ẽtẽ 'rãihâ ãma. E Zeruzalẽ ãma. Ã ẽtẽ 'rãihâ hã ma tô wahi'rata norĩ hã pisutu za'ra, ãme ãma 're dawata za'ra mono da. Asiré zudeu norĩ hã ma tô duré Zeruzalẽ hã pisutu za'ra, tame ãma 're dawata za'ra mono da.

Zozué 23:2

Tawamhã ma tô uburé Izaraéu nhihudu norĩ zô tihârâ za'ra, dama roti'wa norĩ zô, dama i'rãnho'õmo norĩ zô, da'ãma rowairébé'wa norĩ zô, duré dama ipire norĩ zô zama. Ãne te tãma nharĩ za'ra: — Wa tô oto wa hã ĩsi'ihi pese.

Zozué 24:1

Tawamhã Zozué, ma tô Izaraéu nhihudu norĩ wa'õtõ mono bâ 'rã'õtõ, Siquẽ na 'ri nho'õmo nhisi ãma. Tahawa, ma tô dama roti'wa norĩ zô tihârâ za'ra, dama i'rãnho'õmo norĩ zô, da'ãma rowairébé'wa norĩ zô, duré Izaraéu nhihudu norĩ ma ipire zô hã. Tawamhã ma tô ta norĩ hã oto 'Re ihâimana u'âsi mono nho'remhã aimasa.

Zozué 3:14

Roptehârizé a'amo na ma tô ãne hã tiromhâiba, â hã pa nho'õmo na pazaihâ hã te te upsibi mono ré hã. Ãhã ré, ma tô romhâ 'manharĩ na 'ri hawimhã a'uwẽ norĩ hã wairé, Zodã pa â na te te saprĩ za'ra da. Tawamhã sasedoti norĩ danhowamhã te ai'aba'ré, 'Re ihâimana u'âsi mono te, wedehâ're 'manharĩ hã te te siwi âri sina. Duré oto â zaihâi u sihutu wamhã, â wa tipara hã te te sõré wi,

Zozué 3:3

ma tô ãne a'uwẽ norĩ ma hã te te tãma waihu'u za'ra: — Levita sasedoti norĩ hã Uburé Danhib'apito, wate 'Re ihâimana u'âsi mono nhimiroti ré wedehâ're 'manharĩ te te siwi âri ré 'madâ'â za'ra wa'aba wamhã, te za asimarĩ hã asima i'ubumro za'ra wa'wa, isarina ai'aba'réi wa'aba da.

Zozué 3:6

Taha pari, te sasedoti norĩ ma nharĩ za'ra, ãne: — Ma'ãpé, danhowa ai'aba'réi wa'aba da, 'Re ihâimana u'âsi mono te, wedehâ're hã asiwi âri aba. Tawamhã Zozué te te tãma i'ru za'ra zéb zarina ma tô siwi mreme 'manha.

Zozué 4:10

Tahawa, sasedoti norĩ hã ma tô Zodã pa â wa'wamhã mazahâri za'ra, Uburé Danhib'apito hã, Zozuéhé ma te te iwaihu'uzéb zarina a'uwẽ norĩ hã uburé te te i'manharĩ za'ra zéb u, Mozésihi ma rotizéb zarina. Tawamhã a'uwẽ norĩ â na ma tô sa'ẽtẽ saprĩ za'ra.

Zozué 4:18

Tawamhã sasedoti norĩ, Zodã pa â hawi wairébé wa, ti'a i'ré tipara na te te wati'i za'ra pari, ma tô â hã oto apâ tipraba. Duré iwana te te isuwai mono ne, ma tô apâ pazaihâ hã te te suwa.

Zozué 6:6

Tawamhã Zozué, ma tô sasedoti norĩ zô hâ, te te tãma nharĩ za'ra da, ãne: — Wedehâ're 'manharĩ 'Re ihâimana u'âsi mono te ré hã te za asiwi i'âri 'wa. Tawamhã te za isõwamhã 7 na sasedoti norĩ tinhimnhihãsi zéb ré hã ai'aba'ré.