Zozué 8:31 - ꞌRe Ihâimana Uꞌâsi Mono Zadawa Wasuꞌu

³¹ Uburé Danhib'apito ma romhuri'wa Mozési, Izaraéu nhihudu norĩ ma, te te iwaihu'uzéb zarina, ma tô 'manha, ãne na Mozésihi nhimiroti na hã: “Ma'ãpé, ẽtẽ tõmo wawẽ, isihâri za'ra õ na ẽtẽ za'ra 'manharĩ, 'Re ihâimana u'âsi mono ma, 're idanhoprub za'ra mono zatazéb da hã.” Tawamhã taha nhisiwi ma tô danhimizama da te izata pese na tãma ãma tinhoprub za'ra, Uburé Danhib'apito ma, duré aimawi da te dasima ipo'o hâiba amoi wa'õtõ na hã danhoprubzéb ãma dama 're irowẽ za'ẽtẽ za'ra mono nhisi na hã.

Zozué 8:31 Iomraidhean Croise

Esdra 6:18

Tawamhã sasedoti norĩ hã, duré levita norĩ hã ma tô Zeruzalẽ ãma 'ri 're, te te 're iromhuri za'ra mono da zama siwi danhisi nhihâtâ za'ra, Mozésihi nhimiroti na ãma iromnhihâtâzéb zarina.

Neemia 13:1

Tawamhã taha bâtâ na Mozésihi nhimi'ui'éré, sa'ẽtẽ damreme 'rãihâ na da te dasima sõré za'ra wa, ma tô amonita norĩ hã duré moabita norĩ hã 'Re ihâimana u'âsi mono nhib'a'uwẽ norĩ me, za niwamhã sina za'ra isihâibatob'õzém na rob'ui'éré hã siwi sõpẽtẽ.

Ezodu 18:12

Tawamhã Zetru, Mozésihi maprewa, 'Re ihâimana u'âsi mono ma, ma tô tinhimizama zata na tãma tinhopru. Tahawa, ma tô Arã norĩ hã, uburé Izaraéu nhihudu nhib'ihâ'a norĩ me hã ime ai'aba'ré, 'Re ihâimana u'âsi mono nho're imaprebaba siré saihuri da hã.

Ezodu 24:5

Tawamhã Mozési, ni'wam norĩ ai'reputu ma, Uburé Danhib'apito ma danhoprubzéb da, danhimizama te te zata za'ra da, ma tô tãma 'ru za'ra. Powawẽ iba'õmo zama ma tô tãma 'ru za'ra, danhoprubzé ãma irowẽ za'ẽtẽ zé te te siwi simro da.

Mateu 12:26

Tane duré, wa'uburé norĩ hã Satanasihi nhib'a'uwẽ, simisutu 're hâimana za'ra mono nherẽ, dapẽ'ẽ hawi 're wairébé mono da, te te sima 're rob'ru za'ra mono wamhã, te aré sisada 'râwimhã 're hâimana za'ra, wa'uburé norĩ hã. Tawamhã sisada 're sipo'o za'ra mono wa, te aré waptu na 're si'utõrĩ, Satanasihi nhib'a'uwẽ norĩ hã. Ãne, ĩma inharĩ za'ra wa'aba zéb zarina, Bezebuhu zadawa para, wa'uburé te dama 're anhamra mono 'wa'âhã, 'râwim nherẽ, te aré tô sisada 're simasa. Taha zarina, te aré tô ta norĩ hã duré 're si'uprosi.

Zozué 1:8

Ma'ãpé ãma irob'ui'éré na hã õne u'â ãma 're aimreme mono. Bâtâ na hã duré mara na hã ãhã ibaihâ na ãma 're romnhoré mono, ãma 're asiptete mono wa, uburé ãma irob'ui'éré zarina asina ãma 're uwaimrami mono da. Tawapsi, te za 're i'aihâimana mono wẽ zé hã asina 're i'uwaimrami mo.