Zozué 8:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Zozué, uburé pese dasi'wapéi 'manharĩ'wa norĩ me ma tô oto sima robza'ra wẽ za'ra, te te ropãrĩ za'ra mono sina sisõré pese na si'aba'ré da, Ai zada hã. Tawamhã aibâ norĩ 30 miu na isib'ru norĩ te te ipisutu za'ra, ma tô bara na hã satõrĩ za'ra,

Zozué 8:3 Iomraidhean Croise

Ezodu 17:9

Tawamhã Mozési, Zozuéhé ma, ma te ãne tãma waihu'u: — Ni'wam norĩ aibâ hã, ma'ãpé pisutu za'ra na, awẽ mararé ime aimorĩ za'ra da, amalequita norĩ 'wapé za'ra wa'aba da. Tawamhã wa hã wa za ẽtẽ nhisiwi hã za, ĩsiwazusizé 'Re ihâimana u'âsi mono te te ĩma ipisudu te tété sina.

Mateu 24:39

Tawamhã rosa'rese õ ré, ma tô daré âpusi. Tawamhã oto daré âpusi mono wamhã, ma tô uburé pese dasi'utõrĩ, â na hã. Tane duré, ti'ai ãma Dasiré Ipodo hã danhimiza'rese ãna 're danomro mono ré, te za wei mo, apâ.

Mateu 24:50

Tawamhã simisa'rese ãna hâimana ré, te za isib'apito hã itẽme wi apâ, sô isimipari õ zém na siwa'ru, bâtâ na.

Mateu 25:6

— Tawamhã mara wa'wa ma tô ni'wa hã oto 'mahâ, ãne: “Õhõta te we oto aibâ hã mo. We aiwairébé su'u aba, wa te wasina uzusi za'ra hâ.” Ãne te ni'wa aibâ hã dama rob'mahâ.

1 Tesalonita 5:2

Wanhib'apito nhibâdâ hã, bara na isimisaihuri zô 're danhimipari za'ra mono õ nherẽ, we datẽme imorĩ ne, te za tô iwa waptãrã. Ãne hã aima waihu'u pese za'ra wa'aba di.

Zozué 10:7

Tawamhã Zozué, tite dasi'wapéi 'manharĩ'wa norĩ me Gilga hawi ma tô uburé tipra.

Zozué 8:2

Tahawa te za ã hã 'ri nho'õmo ma, Zerico ma, i'manharĩ za'ra wa'aba ne hã tãma i'manharĩ za'ra wa'wa za. Tawamhã ãhã na uburé pese marĩ mono hã, powawẽ norĩ hã te za aima tihâimana za'ra wa'wa. Tahawa ma'ãpé pi'uriwi 'ri nho'õmo babarã u ni'wam norĩ satõrĩ za'ra na, simiza'rese õ ré bâtâ pisutu zarina te te isusi za'ra da hã.

Zozué 8:4

ãne te te tãma iwaihu'u za'ra ré: — Aima'uri za'ra wa'aba za, 'ri nho'õmo babarã niwĩmhã. Romhâ na aihâimana za'ra wa'aba tõ. Asimiza'rese sina te za sada aihâimana za'ra wa'wa.

2 Pedru 3:10

Wa za oto aima ãma romnhimiré'é za'ra wa'wa, waihu'u za'ra wa'aba da. Isipsaihuri hã sô idanhimipari õ zém na si, te za ãzé, 'ri para u hã. Tane, Wanhib'apito zô 're idanhimipari za'ra mono õ zém na si, te za wei mo apâ. Ãne wamhã, hâiwa te za ai'utõ. Rãrã'ã za'ẽtẽ uptabi di za. Uburé marĩ hã hâiwa na 're isimasa mono hã te za ai'uzâ. Danhipti'ai mono bâ, marĩ hã 're ihâimana za'ra mono hã te za si'utõrĩ.

Zuize 9:32

Tahawa ma'ãpé ãne 'manharĩ: Bara na te za we ate aibâ norĩ me hã aiwairébé 'wa, rom na aima'uri za'ra wa'aba da hã.