Zozué 8:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã Zozué norĩ, tite dasi'wapéi 'manharĩ'wa norĩ me hã ma tô siwi 'madâ, isiré norĩ 'ri nho'u te te siwi i'âri hã, duré te te ãma siwi isõré mono zé, uzâ hã. Tahawa ma tô apâ sô a'ãsi za'ra. Tahawa ma tô Ai ãma aibâ norĩ pãrĩ na sãna'rata za'ra.

Zozué 8:21 Iomraidhean Croise

Zozué 10:1

Tawamhã apito Adoni-Zédéqui Zeruzalẽ ãmamhã, ma tô Zozué 'ri nho'u Ai te te i'ârizé hã, uburé pese te te i'ri prubzé hã wapa, duré ite apito te te iwĩrĩzé hã. Tawamhã tô õne hã ma tô duré wapa, Zerico ma iromhâimanazé hã, duré apito ma. Duré Gibiã norĩ, Izaraéu nhihudu norĩ me dasi'wapéi ãna dasiré 're idahâimana za'ra mono zém na isisaze za'ra zé hã ma tô waihu'u, duré Izaraéu nhihudu norĩ wazari 're ihâimana za'ra mono zéb zama.

Zozué 8:20

Tawamhã Ai ãma aibâ norĩ siwa'rãmi te te rob'madâ'â za'ra wamhã, ma tô hâiwa u unhama nhizé isi'réi mono hã siwi 'madâ. Tane nherẽ, nima niwĩ sisa'rei waihu'u mono õ di. E marĩ wa. Izaraéu nhihudu norĩ, a'ubuni wi supara 'ré si ro 're isa'wari mono u tãma isisa'rei mono hã apâ sitẽmeb za'ra hã sô sito mono wa, te te i'wapé za'ra da hã siwi.

Zozué 8:22

Tawamhã 'ri nho'õmo ãma Izaraéu nhihudu norĩ ihâimana za'ra zama ma tô wairé, Ai te, aibâ norĩ te te 'wapé za'ra da hã. Ãhã wa, aibâ norĩ ma tô uirĩ pese za'ra ni. Tahawa ma tô Izaraéu nhihudu norĩ nhib'rata ai'utõ.