Zozué 8:2 - ꞌRe Ihâimana Uꞌâsi Mono Zadawa Wasuꞌu

² Tahawa te za ã hã 'ri nho'õmo ma, Zerico ma, i'manharĩ za'ra wa'aba ne hã tãma i'manharĩ za'ra wa'wa za. Tawamhã ãhã na uburé pese marĩ mono hã, powawẽ norĩ hã te za aima tihâimana za'ra wa'wa. Tahawa ma'ãpé pi'uriwi 'ri nho'õmo babarã u ni'wam norĩ satõrĩ za'ra na, simiza'rese õ ré bâtâ pisutu zarina te te isusi za'ra da hã.

Zozué 8:2 Iomraidhean Croise

Provébiu 13:22

Ni'wa te za iwẽ hã si'uirĩ na tisi'watébré 'ra ma, tinhimarĩ iwẽ hã tãma rẽme za'ra. Tanei õ di, iwasété norĩ nhimarĩ hã. Te za sena na 're ihâimana za'ra mono norĩ zô si, da te 're ubumro za'ra.

Provébiu 28:20

Sena na 're ihâimana za'ra mono norĩ pẽ'ẽ 'remhã, rowẽ za'ẽtẽ na hã te za tãma 're hâimana za'ra. Tane nherẽ, ni'wa duré waptu na 're isisimarĩ mono ma hã, tãma rob'manharĩ wasété ãna ihâimana da hã mare di.

Zozué 10:1

Tawamhã apito Adoni-Zédéqui Zeruzalẽ ãmamhã, ma tô Zozué 'ri nho'u Ai te te i'ârizé hã, uburé pese te te i'ri prubzé hã wapa, duré ite apito te te iwĩrĩzé hã. Tawamhã tô õne hã ma tô duré wapa, Zerico ma iromhâimanazé hã, duré apito ma. Duré Gibiã norĩ, Izaraéu nhihudu norĩ me dasi'wapéi ãna dasiré 're idahâimana za'ra mono zém na isisaze za'ra zé hã ma tô waihu'u, duré Izaraéu nhihudu norĩ wazari 're ihâimana za'ra mono zéb zama.

Zozué 10:28

Tawamhã Zozué, to taha bâtâ na Maqueda te te sahui wamhã, ma tô ti'â. Apito ma tô duré tiwĩ. Duré uburé 'ri nho'õmo wa, 're ihâimana za'ra mono norĩ hã ma tô uprosi. Tahawa, ni'wa hã hâiba ré hâimana õ di. Ãne ma tô Zerico ãma apito ma, te te i'manharĩzém ne hã 'manha, Maqueda ãma apito ma hã.

Zozué 11:14

Tawamhã marĩ iwa'âbâ za'ẽtẽ norĩ na, duré 'ri nho'õmo norĩ te danhimizama na hã ma tô Izaraéu nhihudu norĩ hã uburé pese ãma ate za'ra. Tane nherẽ, ma tô uburé pese siwi da'uprosi, ni'wa hã hâiba ré hã hâimana ãna.

Zozué 6:21

Ma tô duré tinhi'wa na aibâ norĩ hã, pi'õ norĩ hã, ai'uté norĩ hã duré ihi norĩ hã te te siwi simro, 'ri nho'õmo wa, uburé 're ihâimana za'ra mono norĩ hã. Ma tô duré te te siwi simro, powawẽ norĩ zama hã, pone'ẽrebâire, duré awaru po're pore.

Zozué 8:12

Tawamhã Zozué, aibâ norĩ 5 miu na bâtâ zasizém niwĩ isima'uri za'ra da hã ma tô sõré, Aihi 'rem norĩ me, Bétéu me.

Zozué 8:14

Tawamhã Ai te apito, Izaraéu nhihudu norĩ te te 'madâ'â za'ra wamhã, ma tô waptu na asapẽtẽ. Uburé tite dasi'wapéi 'manharĩ'wa norĩ me hã ma tô robza'rã ré wairé. Wairébé wamhã, ma tô, tô õme iwana Izaraéu nhihudu norĩ te te i'wapé za'ra zéb u ai'aba'ré, te te duré 'wapé za'ra da hã, Zodã na romharé nhisi nho're ãma. Tahawa, za ibabarãi hawi te te i'wapé za'ra da hã te te waihu'u õ di.

Zozué 8:19

Tawamhã tinhib'rada oto hâimo te te wẽ wa, aibâ norĩ isima'uri za'ra sa'ẽtẽ ma tô tiwahutu za'ra, 'ri nho'õmo u sisa'rei mono da. Tawamhã 'ri nho'u hã ma tô siwi ti'â. Ma tô duré õne haré te te ãma siwi sõré, uzâ hã.

Zozué 8:24

Tawamhã ma tô uburé tinhitob'ru norĩ, Izaraéu nhihudu norĩ hã siwi uprosi pese rom na, a'ubuni wi supara 'ré si ro 're isa'wari mono u isarina isisa'rei mono zéb ãma. Taha pari Ai u apâ si'aba'réi wamhã, ni'wam norĩ ihâimana za'ra hã ma tô duré tamemhã siwi uprosi.

Zozué 8:3

Tawamhã Zozué, uburé pese dasi'wapéi 'manharĩ'wa norĩ me ma tô oto sima robza'ra wẽ za'ra, te te ropãrĩ za'ra mono sina sisõré pese na si'aba'ré da, Ai zada hã. Tawamhã aibâ norĩ 30 miu na isib'ru norĩ te te ipisutu za'ra, ma tô bara na hã satõrĩ za'ra,

Zozué 8:7

Tawamhã ãhã ré, i'aima'uri za'ra wa'aba zém hawimhã te za aiwairébé 'wa. Tawamhã te za 'ri nho'u asiwi i'âri 'wa. Tawamhã Uburé Danhib'apito, wate za'ra 'Re ihâimana u'âsi mono te za Ai hã aima sõmri za'ra wa'wa.

Zozué 8:8

Tawamhã 'ri nho'u asiwi âri aba parimhã, te za uzâ hã ãma isõré wa'aba mo, si'unhama da, Uburé Danhib'apito te te i'ruzéb zarina. Ãne wa aima 'ru za'ra wa'wa.

Zozué 8:9

Tawamhã Zozué ma tô, tô dasi'wapéi 'manharĩ'wa norĩ hã satõrĩ za'ra. Te te satõrĩ za'ra wamhã, ma tô Ai norĩ wa'wa Bétéu 're me tame rowa'wa sima'uri za'ra da hã ai'aba'ré, Ai ãma bâtâ zasizém niwĩ. Tane nherẽ, Zozuéhé ãma, romhâ 'manharĩ na 'ri nhoré ãma a'uwẽ norĩ siré hã ma tô ãma ti'awẽ.

Zozué 9:3

Tawamhã heveu norĩ, 'ri nho'u Gibiã ãma 're ihâimana za'ra mono norĩ, Zerico ma, Zozué te te i'manharĩzé hã, duré 'ri nho'u Ai ma, te te i'manharĩzé hã te te wapari za'ra wamhã,