Zozué 8:18 - ꞌRe Ihâimana Uꞌâsi Mono Zadawa Wasuꞌu

¹⁸ Tahawa te Uburé Danhib'apito, Zozuéhé ma tinha, ãne: — Ma'ãpé, Ai nho'õmoi baba ate isi'uwazi 'rã'wa hã wẽ na. E marĩ wa. Ã hã 'ri nho'u hã za oto te aima sõmri wa. Tawamhã te te tãma iwaihu'uzéb zarina ma tô ãma sama.

Zozué 8:18 Iomraidhean Croise

Ezodu 14:16

Ma'ãpé â poré nhisiwi asiwazusizé hã wẽ na hâimo. Tawamhã â isi'ridawa zarina te za sima aiwãnhiza, Izaraéu nhihudu norĩ ti'ai 'ré na â wa'waibaba te te ãma saprĩ za'ra da hã.

Ezodu 8:1

Tawamhã Uburé Danhib'apito, te duré taha parimhã Mozésihi ma tinha ãne: — Apito Fara'oho u duré aimorĩ, ãne na tãma ĩzadawa wasu'u da. “Ĩnhib'a'uwẽ norĩ ma, te za irowairé, ã hã ti'ai wa'õtõ nho'õmo hawi wairébé da, ĩ'ãma 're wata za'ra mono da.

Ezodu 8:5

Tawamhã te duré zahadu Mozésihi ma tinha ãne: — Ma'ãpé Arãhã ma nharĩ, pa nho'õmo mono nhisiwi, isipti mono nhisiwi, duré pu'u mono nhisiwi, tinhiwã hã te te wẽ mono da, uti hã ta norĩ hawi wairébé mono da rob u, Ezitu ti'a hã te te siwi i'ubu da hã.

Zozué 8:17

Uburé pese ma tô aibâ norĩ hã Izaraéu nhihudu norĩ zarina wairé. Tahawa ma tô 'ri nho'u 'ridawa haré siwi tirẽ, ni'wa i'wawimhã isimapa da hã hâimana ãna.

Zozué 8:19

Tawamhã tinhib'rada oto hâimo te te wẽ wa, aibâ norĩ isima'uri za'ra sa'ẽtẽ ma tô tiwahutu za'ra, 'ri nho'õmo u sisa'rei mono da. Tawamhã 'ri nho'u hã ma tô siwi ti'â. Ma tô duré õne haré te te ãma siwi sõré, uzâ hã.

Zozué 8:26

Zozué hã ma tô wẽ u'âsi isi'uwazi 'rã'wa hã, Ai nho'õmoi babamhã te te ãma ti'awi ãna, 'ri nho'õmo ãmamhã uburé a'uwẽ norĩ isi'utõrĩ pese zéb u.

Zozué 8:7

Tawamhã ãhã ré, i'aima'uri za'ra wa'aba zém hawimhã te za aiwairébé 'wa. Tawamhã te za 'ri nho'u asiwi i'âri 'wa. Tawamhã Uburé Danhib'apito, wate za'ra 'Re ihâimana u'âsi mono te za Ai hã aima sõmri za'ra wa'wa.

1 Samuéu 17:41

Tawamhã Gulia hã te oto, Dawihi nho'õmoi baba mo. Tãma isi'wapézé 'wapéi'wa hã te duré isõwamhã mo. Tawamhã Dawihi tẽme te te oto rosahutu wamhã, Gulia hã ma tô 'madâ'â pese Dawi hã. Tahawa, ma tô tãma tinha, ãma to sina. E marĩ wa. Taré Dawi hã ai'repudu da te dasiwi 're ihâiba 'madâ'â zei mono, marĩ da ne.

1 Samuéu 17:45

Tahawa, Dawi hã ma tô ãma tãma wa'rã: — A hã te we ĩzô aimo, sib'ézé 'wapa ré ãma ĩ'wapé da, isi'uwazi 'rã'wa ré, duré isi'uwazi 'rã'wa i'rutu ré. Tane nherẽ, wa za Wanhib'apito iwaihu'u pese nhisi na, ai'wapé ãhã na hã wa hã, Izaraéu nhihudu norĩ dasi'wapéi 'manharĩ'wa norĩ te, 'Re ihâimana u'âsi mono zada i'aihâimana nhisi na.

1 Samuéu 17:6

Ihi ubuzé hã ẽtẽ topsada brõzi 'manharĩ na hã. Duré tinhisé te te 're imrami mono hã ẽtẽ topsada brõzi 'manharĩ na hã i'rã'wa ré hã.