Zozué 8:17 - ꞌRe Ihâimana Uꞌâsi Mono Zadawa Wasuꞌu

¹⁷ Uburé pese ma tô aibâ norĩ hã Izaraéu nhihudu norĩ zarina wairé. Tahawa ma tô 'ri nho'u 'ridawa haré siwi tirẽ, ni'wa i'wawimhã isimapa da hã hâimana ãna.

Zozué 8:17 Iomraidhean Croise

Zozué 11:20

Uburé Danhib'apito, ã hã 'ri nho'õmo norĩ 're, 're ihâimana za'ra mono ma hã ma tô tãma 'manharĩ za'ra, pẽ'ẽ tete na Izaraéu nhihudu norĩ te te 'wapé za'ra da, duré taha zarina uburé ta norĩ hã si'utõrĩ da, ãma pẽ'ẽzé za'ra ãna, duré ãma siwamri za'ra ãna, ãne na Uburé Danhib'apito, Mozésihi ma, te te iwaihu'uzéb zarina.

Zozué 8:16

Tawamhã Ai ãma uburé aibâ norĩ zô ma tô sô tahãsi ni, Izaraéu nhihudu norĩ zarina isi'aba'ré da hã. Tawamhã oto Zozuéhé zarina si'aba'réi wamhã, ma tô 'ri nho'õmo nhiti sina si'ré za'ra.

Zozué 8:18

Tahawa te Uburé Danhib'apito, Zozuéhé ma tinha, ãne: — Ma'ãpé, Ai nho'õmoi baba ate isi'uwazi 'rã'wa hã wẽ na. E marĩ wa. Ã hã 'ri nho'u hã za oto te aima sõmri wa. Tawamhã te te tãma iwaihu'uzéb zarina ma tô ãma sama.

Zozué 8:3

Tawamhã Zozué, uburé pese dasi'wapéi 'manharĩ'wa norĩ me ma tô oto sima robza'ra wẽ za'ra, te te ropãrĩ za'ra mono sina sisõré pese na si'aba'ré da, Ai zada hã. Tawamhã aibâ norĩ 30 miu na isib'ru norĩ te te ipisutu za'ra, ma tô bara na hã satõrĩ za'ra,

Zuize 20:31

Tawamhã Bẽzamihĩ nhihudu norĩ dasi'wapéi 'manharĩ'wa, ma tô oto dazô wairé, romhâ prã na 'ri ahâ nhiti si'wapé za'ra da. Duré imorĩ'rata na te te siwi i'manharĩ ne, ma tô Bétéu nho'õmo bâdâdi inomro na nima norĩ pãrĩ na ãma sãna'rata za'ra, duré Zibea nho'õmo bâdâdi inomro na duré sõ'awi itehudu 're isa'wari mono na. Ãhã wa, ma tô duré 30 na siwi uprosi Izaraéu nhihudu hã.