Zozué 8:15 - ꞌRe Ihâimana Uꞌâsi Mono Zadawa Wasuꞌu

¹⁵ Tawamhã Zozué, duré uburé Izaraéu nhihudu norĩ me da te ãma ai'uté za'ra newa, ma tô a'â tãma sisa're 'rãnhipese sina, isarina za'ra a'â sisa'rei mono da. Tahawa, a'ubuni wi supara 'ré si ro 're isa'wari mono u, ma tô a'â tãma sisa're, sena ne hã.

Zozué 8:15 Iomraidhean Croise

Zozué 8:14

Tawamhã Ai te apito, Izaraéu nhihudu norĩ te te 'madâ'â za'ra wamhã, ma tô waptu na asapẽtẽ. Uburé tite dasi'wapéi 'manharĩ'wa norĩ me hã ma tô robza'rã ré wairé. Wairébé wamhã, ma tô, tô õme iwana Izaraéu nhihudu norĩ te te i'wapé za'ra zéb u ai'aba'ré, te te duré 'wapé za'ra da hã, Zodã na romharé nhisi nho're ãma. Tahawa, za ibabarãi hawi te te i'wapé za'ra da hã te te waihu'u õ di.

Zuize 20:36

Tawamhã Bẽzami nhihudu norĩ, ma tô oto sina waihu'u za'ra, da te ãma i'ai'uté za'ra zém na hã za. Izaraéu nhihudu norĩ hã ma tô tãma si'ré za'ra, Bẽzamihĩ nhihudu norĩ ma hã. E marĩ wa. Aibâ norĩ Zibea zada'réi baba isima'uri za'ra hã te te umnhasi za'ra wa. Izaraéu nhihudu norĩ ma tô tãma si'ré za'ra, Bẽzamihĩ nhihudu norĩ te te siwi i'wapé za'ra da hã. E marĩ wa. Aibâ norĩ Zibea zada'réi baba isima'uri za'ra hã te te umnhasi za'ra wa.

Zuize 20:42

Tahawa, ma tô sisa're a'ubuni wi, rop si 're isa'wari mono nho'õmoi baba. Tane nherẽ, dawi simani waihu'u za'ra õ di. E marĩ wa. Izaraéu nhihudu norĩ sõ'uma tiwi sito wa, duré 'ri nho'õmo hawi we isi'aba'ré norĩ zama tiwi sito wa. Tahawa, ma tô siwi uprosi.