Zozué 7:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Zozué, ti'uza ma tô hâiwazu, robzei'õ zé te. Ti'ai u, ma tô duré sime. Ti'ubu na ma te ti'ai u ropto, Uburé Danhib'apito nhimiroti ré wedehâ're 'manharĩ nho're. Tawamhã tô õne Zozuéhé siré ma tô Izaraéu nhihudu norĩ ma i'rãnho'õmo norĩ hã siwi 'manha. Tahawa ma tô hâiwahâ u ime tihâimana za'ra. Duré isine ma tô siwi 'manha: Ti'a na ma tô si'rãzazub za'ra, robzei'õ na tihâimana za'ra zém na siwasu'u za'ra da.

Zozué 7:6 Iomraidhean Croise

Zenezi 37:29

Tawamhã Rubẽ, â zô ab're u apâ wisi wamhã, ma tô ab're baba na Zuzéhé zô hã sabu. Tahawa ma tô ti'uza hâiwazu, robzei'õ zé te.

Zenezi 37:34

Tawamhã robzei'õ zé te, ma tô Zaco ti'uza hã hâiwazu. Taha pari ma tô da'uza ihâiro na si'uza. Tahawa, ma tô bâtâ ahâ na ti'ra zô hã aiwa'õ.

Esdra 10:1

Tawamhã Esdra, 'Re ihâimana u'âsi mono nhorõwa 'ri nho're hi'rãtitõ sãmra sina, ma tô tãma mre, wawa sina, dawasété u'âbâ. Taha ré, ma tô Izaraéu nhihudu norĩ ahâ uptabi na imana wawimhã si'rã'õtõ, aibâ norĩ hã, pi'õ norĩ hã, duré ai'uté norĩ hã. Ma tô duré ta norĩ zama ti'ru'ru.

Neemia 9:1

Tawamhã a'amo 24 bâtâ ãma ma tô Izaraéu nhihudu norĩ hã si'rã'õtõ, sai ãna a'â hâimana za'ra da. Tahawa, ma tô duré sa'u ihâiro na si'uza za'ra. Ma tô duré ti'a na hã si'rã zazub za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:14

Tawamhã te te i'manharĩ wasu'u Paulu norĩ hã te te wapari zahuré wamhã, wara sina ma tô dawa'wa u tizasi waré zahuré. Taha wamhã, ti'uza hã ma tô hâiwazu zahuré, tinho'utu nho'õmoi baba, rob'ru te. Te te hâiwazu zahuré sina, ma tô hârâ 'rãihâ na da'mahârâ zahuré, ãne:

Zozué 7:7

Tahawa te Zozué tinha, ãne: — Uburé Danhib'apito, ĩte 'Re ihâimana u'âsi mono, e marĩ da, ma tô bété ã hã a'uwẽ panho'u Zodã pa na te te isaprĩ za'ra da hã isa'ré. E amoreu norĩ ma, wanhomri za'ra wa, duré ta norĩ hã te te siwi wanhimro da. E marĩ wa bété, Zodã pa zara niwĩmhã wahâimana u'âsi za'ra õ di.

Apocalipsi 18:19

Tawamhã rob'ru te, te za duré robzapru hã ti'rã nhisiwi sa'wari za'ra. Siwa'õ za'ra sina, te za duré ãne sima nharĩ za'ra: — Ropipa uptabi hã ma tô sô tiwatobro za'ra, 'ri nho'õmo za'ẽtẽ ãma 're idahâimana za'ra mono zô hã. Ropipa uptabi di. Danhibro pese na iwa da te wawi 're irob'uipra za'ra mono zém na, wa tô aré 're wasisibro pese za'ra, uba're na 're iwahâimana za'ra mono hã. Tane nherẽ, ma tô si'aba'réi waré na ropsi'utõrĩ õne haré.

Zuize 11:35

Tawamhã Zépté ti'ra te te 'madâ'â wa, isabâdâ tiwi robzei'õ pese wa, ma tô ti'uza te te hâiwazui mono sina duré sadari sina tinha ãne: — E niha ĩ'ra! Ĩma ropire uptabi di ãhã na hã, aihâiba u'âbâmhã. E marĩ wa. Wa hã wa tô Uburé Danhib'apito ma ropisudu ipire hã 'manha. Tahawa te ãma sipai waihu'u õ di, te tãma iropisutuzém na hã.

Zuize 20:26

Tahawa uburé Izaraéu nhihudu norĩ, ma tô Bétéu u apâ ai'aba'ré, 'ru'ru da hã. Tawamhã tame Uburé Danhib'apito nho're hâimana za'ra wamhã, saihuri ãna, ma tô tihâimana za'ra, ãma ihâiwahâ pese za'ra zéb u. Tawamhã tinhimizama zata na ma tô tãma tinhoprub za'ra, 'Re ihâimana u'âsi mono ma, danhoprubzé ãma irowẽ za'ẽtẽ na.

Zuize 21:2

Tawamhã a'uwẽ norĩ Bétéu u ma tô ai'aba'ré, tame 'Re ihâimana u'âsi mono nho're da'ãma ihâiwahâ pese za'ra zéb u dasi'ubumro da. Tawamhã ta norĩ hã robzé te, wawa 'rãihâ na 'ru'ru wa,

1 Samuéu 4:12

Tawamhã taha bâtâ na ma tô aibâ Bẽzamihĩ nhihudu hã wara dasi'wapézém hawi Silo u hã. Tawamhã tô bâtâ na ma tô wi. Duré robzei õ na da te waihu'u za'ra da hã ma tô uza hâsi wazui ré wi, duré ti'a na 'rãzazub ré.