Zozué 7:5 - ꞌRe Ihâimana Uꞌâsi Mono Zadawa Wasuꞌu

⁵ Tahawa, ma tô aiwétési siwi uprosi, 36 na. Tawamhã 'ri nho'õmo te, 'ridawa za'ẽtẽ hawi ma tô Izaraéu nhihudu norĩ zarina sisa're, ẽtẽ nhihârizéb u. Tawamhã ẽtẽ na si'razé rowahâpâ na ma tô te te pãrĩ. Tahawa, ma tô a'uwẽ norĩ wi hã tirobzei'õ pese za'ra. Ma tô duré siptete hai'utõrĩ za'ra.

Zozué 7:5 Iomraidhean Croise

Salmu 22:14

Wa tô siptete hai'utõ, â ti'a u da te 're isa'wari za'ra mono ne. Uburé ma tô ĩhi hã ĩwi wairé. Duré ĩpẽ'ẽ 'remhã rob'uiwẽzé 're uwa pese mono wa, 're iwa'ui a'a za'ra mono ne, wa tô ĩhâiba.

Zozué 2:11

à hã wa te wapari za'ra wamhã, wa tô siptete hai'utõrĩ za'ra ni. Tahawa wa tô uburé pese aima za'ra wa'aba wapahi pese za'ra ni, ate za'ra wa'wa 'Re ihâimana u'âsi mono, Uburé Danhib'apito, hâiwa ãma hâimo 're hâimana mono wa, duré ti'ai 'rowib zama.

Zozué 2:9

— Wa tô waihu'u wa hã, ã hã ti'a Uburé Danhib'apito te te aima isõmri za'ra wa'aba zém na hã, Izaraéu nhihudu norĩ ma. Tahawa sena na wa za tinha, uburé wa norĩ hã wa tô aima za'ra wa'aba wapahi pese za'ra ni.

Zozué 5:1

Tawamhã uburé amoreu nhib'apito norĩ, Zodã pa zara niwĩ bâtâ zasizém niwĩ 're ihâimana za'ra mono norĩ hã duré Cana'ã nhib'apito norĩ, âporé Mediterãniu zaihâ na 're ihâimana za'ra mono norĩ zama, ma tô waihu'u za'ra, Zodã pa â, Uburé Danhib'apito te te i'rézé hã, Izaraéu nhihudu norĩ te te ãma isaprĩ za'ra zéb da hã. Tahawa Izaraéu nhihudu norĩ hã isiniwĩ te te oto saprĩ za'ra wamhã, ma tô ta norĩ hã tãma tipahi pese za'ra. Ma tô duré siptete hai'utõrĩ za'ra.