Zozué 7:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã Acãhã ma, te Zozué tinha, ãne: — Ĩ'ra, sena na te za asiwẽ'õ, Uburé Danhib'apito, Izaraéu nhihudu norĩ te 'Re ihâimana u'âsi mono nho're. Ĩma wasu'u na, marĩ i'manharĩzé hã; duré rosa'rata tõ, asima i'udâ da hã.

Zozué 7:19 Iomraidhean Croise

Salmu 32:5

Tawamhã ĩwasété na wa tô aima ĩsiwẽ'õ. Ĩnhimi'manharĩ wasété zé hã te aiwi simi'uri õ di. Ĩwasédé hã te aima wasu'u da, wa tô ĩsima rowairébé. Tawamhã a hã uburé ĩwasédé hã ĩ'ãma 're a'madâ'â mono õ di oto.

Salmu 51:3

E marĩ wa. Marĩ na te 're i'upai mono zé hã ĩma waihu'u pese di. Ta hã te te sina 're ĩnho're u'âsi.

Provébiu 28:13

Ni'wa tiwasédé te te sima 're tété u'âsi mono wamhã, rowẽzé tãma 're ihâimana mono da hã mare di. Tane nherẽ, ni'wa isiwẽ'õ zarina te te rẽme wamhã, te za 'Re ihâimana u'âsi mono hã ãma 're isiwamri mono zé hã sina uwaimra.

Daniéu 9:4

Ãne wa tô Ĩnhib'apito, ĩte 'Re ihâimana u'âsi mono ma ĩsiwẽ'õ sina hã tãma mre: — Uburé Danhib'apito 'Re ihâimana u'âsi mono, a hã asa'ẽtẽ uptabi di, duré asiptete uptabi di! A hã ma tô asimiropisutu zahi hã te te 're i'asawi pese za'ra mono norĩ ma, duré asimiroti te te 're iwapari pese za'ra mono norĩ ma, tãma 're i'madâ'â u'âsi za'ra mo. Õne u'â te duré ta norĩ ma asimizawizé hã tãma 're ihâi'ré u'âsi za'ra mo.

Luca 17:18

Wasiré zudeu'õ nherẽ, e niha te we ãhã si mo apâ siwaprosi. 'Re ihâimana u'âsi mono ãma wata da, isimipese waihu'u pese na.

Zuwã 9:24

Tawamhã farizeu norĩ hã te sô tihârâ za'ra, te te ito pese zô, apâ itẽme sébré za'ra da. Itẽme sébré za'ra wamhã, te tãma nharĩ za'ra, ãne: — Zezusi hã 're morĩ wasété di. Ãne wama waihu'u pese za'ra di, wa norĩ hã. Ma'ãpé 'Re ihâimana u'âsi mono ãma si aiwata, taha si te te ato pese wa.

Roma 10:10

Zezusi hã wapẽ'ẽ 're, wa te wasina 're i'umnhasi za'ra mono zém na, 'Re ihâimana u'âsi mono hã te te 're iwa'awẽsãmri mono zé hã. Zezusi hã Wanhib'apito na danho'a, wa te dama 're isisi za'ra mono zém na, 'Re ihâimana u'âsi mono te te 're iwa'anho'reptui mono zé hã.

2 Timotiu 2:25

Ni'wam norĩ hã isimiroti na sada 're hâimana za'ra mono wamhã, atãma te za tinhimiroti wẽ na te te 're pawaptob za'ra, tinhimirosa'rata na te te ãma saprĩ za'ra da, Wamama nhimiroti hã tô sena na te te sina waihu'u za'ra da oto, isimipawaptobzéb zarina. Wa'uburé norĩ nhib'apito hã ma tô aré tãma 're sadawa nhipese za'ra, te te sima 're ida'awẽ mono zéb uwaibaba, isimiroti na 're hâimana za'ra mono da. Tane nherẽ, a'uwẽ norĩ hã tinhimirosa'rata na te te ãma saprĩ za'ra wamhã, te za oto Wa'uburé nhimiroti hawi 're wairébé. Taha da, te za Wanhib'apito ma romhuri'wa hã atãma te te 're apawapto, tinhimiroti wẽ na hã.

Titu 2:2

Aibâ ihi norĩ ma, te za 're i'aroti mo, hâimana prédup sina 're hâimana za'ra mono da, duré tiwasété wi sina 're siptete za'ra mono sina, 're hâimana za'ra mono da. Wanhib'apito nhimiroti si te za duré te te 're sazei pese za'ra, ta hã tô sena wa. Te za duré te te 're dazawi pese za'ra. Marĩ hã sada 're hâimana za'ra mono nherẽ, Wanhib'apito ãma si te za 're nomro wẽ u'âsi.

Tiagu 1:20

Dahâimana zahi sina 're dahâimana za'ra mono wamhã, e te za 'Re ihâimana u'âsi mono hã te te 're da'awẽsãmri. Mare di. Taha na te te 're da'awẽsãmri mono õ di za.

Zozué 7:20

Tawamhã Acã, ma tô sada'â, ãne: — Ĩhe, tô sena wa tô ĩwasété, Uburé Danhib'apito Izaraéu nhihudu norĩ te 'Re ihâimana u'âsi mono wi. Tahawa wa za tô aima wasu'u, marĩ te i'manharĩzé hã.

Apocalipsi 16:9

Ma tô duré te te dahâpré pese. Tawamhã ma tô 'Re ihâimana u'âsi mono hã 'ruiwapti za'ra ni, rob'manharĩ pipazém na te te dazada ãma 're rowairébé mono wa. Tane nherẽ, dawasété wi dasipizari za'ra õ di. Duré siptete uptabi nherẽ, 'Re ihâimana u'âsi mono ãma 're dawata za'ra mono õ di.

1 Samuéu 14:43

Tawamhã te Sau sadanha ãne: — E marĩ ma tô i'manha. Tawamhã Zonata ma asa ãma sada'â ãne: — Wa tô ropĩ hã suru na upsõ wedehu ĩnhib'rata te 're i'âri 'rãsutu na te ãma ĩsima idi hã. Tahawa, ãhãta wa ĩhâiba, tô ĩdâ'â da hã.

1 Samuéu 6:5

Tahawa, te za isizusi za'ra wa'wa, da'wa're tob'mai'ãsi na hã, duré 'rure na hã, wanhipti'ai 're te te iwa'awamnarĩ mono hã. Ã norĩ hã te za tãma isõmri za'ra wa'wa, Izaraéu nhihudu norĩ te, 'Re ihâimana u'âsi mono wazézéb da hã. Ãne wamhã, te za ãté sazâ, te te aima irob'manharĩ wasété za'ra wa'aba zé hã, ate za'ra wa'wa ihâiba'õ norĩ ma hã, duré asipti'a za'ra wa'aba ma hã.