Zozué 7:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã Zozué ma tô robza'rã ré a'uwẽ norĩ ma waihu'u za'ra, Izaraéu nhihudu upsãtã mono bâ sihâi'ré za'ra da. Tahawa, Zudaha nhihudu norĩ ma tô wasu'u za'ra.

Zozué 7:16 Iomraidhean Croise

Zenezi 22:3

Tawamhã Abra'ã mara hâ ré robza'rã ré, utu wamhã, ma tô awaru po're pore sima bazadâ. Duré mi, ma tô sima anhihâ, tinhoprubzé te te ãma izatazéb da hã. Taha pari, 'Re ihâimana u'âsi mono, ro te te tãma iwasu'u u morĩ da, ma tô oto watobro. Tawamhã Izaqui norĩ, maparane tãma romhuri'wa norĩ me, ma tô isiré ai'aba'ré.

Salmu 119:60

Wa hã, wa sa'ẽtẽ ĩsima 're ĩtob'uzu ĩsitété ãna, asimiroti si te 're 'madâ'â pese mono na 're ĩmorĩ da oto.

Zozué 3:1

Tawamhã Zozué duré uburé Izaraéu nhihudu norĩ me ma tô robza'rã ré wairé, Sitĩ hawimhã si'aba'ré da, Zodã pa u. Tawamhã pa nho'õmo na te te saprĩ za'ra wana ré, ma tô tame a'â sima 'ri nhoré za'ra.

Zozué 7:15

Tawamhã ni'wa te ipisudu hã marĩ te te isimi'uri hã te za prémhã dasiwi 'rãmi ni za, duré uburé pese marĩ tãma ihâimana za'ra zama. Ã hã aibâ marĩ te te i'manharĩ hã, wasété uptabi di. Ta hã ma tô ĩnhimiroti hã upa. Taha zarina ma tô sina ro'wa'rutu, Izaraéu 'remhã.”

Zozué 7:17

Taha pari Zudaha nhihudu norĩ ma, te te tãma 'ru za'ra wamhã, ma tô sihâi'ré za'ra. Tahawa, Zeraha sisãnawã siwadi upsãna hã ma tô wasu'u za'ra, dapisutuzé hã. Tawamhã Zeraha sisãnawã siwadi upsãna te te 'mahârâ wamhã, ma tô duré wasu'u za'ra, Zabdihi sisãnawã upsãna hã.

Zuize 20:19

Tawamhã awẽm na Izaraéu nhihudu norĩ oto si'aba'réi wamhã, ma tô Zibea 'rata romhâ 'manharĩ na 'ri hã sima sõré.