Zozué 7:12 - ꞌRe Ihâimana Uꞌâsi Mono Zadawa Wasuꞌu

¹² Ãne wa, tinhitob'ru norĩ da, Izaraéu nhihudu norĩ, sada hâimana waihu'u za'ra õ di tô oto. Tãma sisa'rei zei mono di. E marĩ wa. Ta norĩ hã isi'utõrĩ da si, te tãma pisutu za'ra wa. Marĩ te te isimi'uri za'ra hã asiwi uprosi aba õ wamhã, wa hã asiré za'ra wa'aba ĩhâimana da hã mare di za.

Zozué 7:12 Iomraidhean Croise

Salmu 44:10

A hã wanhitob'ru norĩ ma, wasisa'rei mono da, wama 'manharĩ za'ra wa, ma tô uburé wanhimarĩ za'ra hã siwi 'wasa.

Provébiu 28:1

Iwasédé hã te za wara, simani da, ni'wa hã isarina wara õ nherẽ. Tane nherẽ, sena na 're ihâimana mono hã te sib'ru na 're hâimana u'âsi, hu'u zérépa ne hã.

Zozué 6:18

Tane nherẽ, marĩ hã asiwi uprosi aba da, te aima i'ru za'ra wa'wa hã asiwi waibui wa'aba õ di za. 'Mai'âri aba wamhã, te za ropire hã duré ropsi'utõrĩzé hã asina i'mai'ãwisi 'wa, Izaraéu nhihudu norĩ te 'ri nhoré u hã.

Zuize 16:20

Tawamhã te oto duré 'mahâ ãne: — Sãsã! Filisteu norĩ, ma we duré asô aihutu na sahu! Tawamhã utu wamhã, te duré ãne rosa'rata: “Wa za duré tiwi ĩsiwazere za'ra, tiwi 're ĩsisani u'âsi za'ra mono ne.” Ãhã wa, Sãsã hã te te sina waihu'u õ di, 'Re ihâimana u'âsi mono tãma isi'rézém na hã oto.

Zuize 2:14

Tawamhã Uburé Danhib'apito, Izaraéu nhihudu norĩ zada hã, ma tô tinhiti'rui pese. Tahawa, Izaraéu nhihudu norĩ waptoma 're ihâimana za'ra mono norĩ ma, ma tô sa'ré za'ra, te te nasi 'wapé za'ra da, duré te te nasi simi'uri za'ra da hã. Ma tô duré isitob'ru norĩ nhib'ratamhã tãma hâiba nhomri za'ra, a'uwẽ ibabarã na 're ihâimana za'ra mono norĩ ma. Tahawa tihâiba na hã te te oto dama ãma 're wa'rãmi waihu'u za'ra mono õ di.

Zuize 2:4

Tawamhã Uburé Danhib'apito ma, hâiwa ãma romhuri'wa ãne na te te tãma waihu'u za'ra parimhã, ma tô uburé Izaraéu nhihudu norĩ hã ti'ru'ru.

1 Samuéu 14:38

Tahawa, te Sau hã danhib'ihâ'a norĩ ma nharĩ za'ra ãne: — We ai'aba'réi wa'aba ãwa, ã bâtâ na danhimi'manharĩ wasété zé hã wa te wasiwi upsibi me da.