Zozué 7:1 - ꞌRe Ihâimana Uꞌâsi Mono Zadawa Wasuꞌu

¹ 'Re ihâimana u'âsi mono ma tô aré tãma roti siromo za'ra, Izaraéu nhihudu norĩ ma, 'ri nho'õmo 're uburé marĩ za te te iprub za'ra hã ni'wa te te sima 'maihiri tõ da. Tane nherẽ, aihĩni pese te te ãne hã sima tété za'ra õ di. Acã hã ma tô marĩ simi'u. Tahawa ma tô Izaraéu nhihudu norĩ zada Uburé Danhib'apito hã tinhiti'ru za'ra. Acã hã, Carmihi 'ra, Zabdihi nhihudu, duré Zeraha nhihudu, Zudaha nhihudu norĩ hawi a'uwẽ.

Zozué 7:1 Iomraidhean Croise

Zenezi 34:27

Tawamhã dapãrĩ hâimana pari, Zacoho 'ra hâiba amo norĩ, ma tô 'ri nho'õmo 're marĩ iwa'âbâ za'ẽne 're ihâimana za'ra mono hã siwi waibu, ihidiba za'ra, aibâ te te ihâiba wamnarĩ wa'rãmimhã.

Esdra 9:6

wa tô tinha ãne: — 'Re ihâimana u'âsi mono, ĩma rowazéb uptabi di. Tahawa, tô asõ're ĩ'rãiwahutu da hã, ĩma rowazéb uptabi di. 'Re iwawasété za'ra mono zém na hã wa tô ãma 're wasi'rã ubu pese za'ra. Duré 're wawasété za'ra mono wa, wawasédé wa'ãma 're i'aza'ra za'ra mono zé hã te hâiwa u te te sina 're hâimo u'âsi.

Daniéu 9:7

Uburé Danhib'apito, a hã te õne u'â i'uwaibaba na si dama 're i'arowairébé mo. Tane nherẽ, ãhã na wa norĩ asib'a'uwẽ Zudéa na romnhisi ãma, duré Zeruzalẽ ãma, duré daza'ru 'râwi 're ihâimana za'ra mono u, duré romhâ na daza'ru 're ihâimana za'ra mono u ãma i'aropéi mono norĩ zama ti'ai wa'õtõ nho'õmo 'remhã, wa tô uburé ta norĩ me simisutu na aima 're wanhiséb zara. Ãne hã ma tô wama i'manharĩ za'ra, apâ aiwi 're wasipizari za'ra mono wa.

Zona 1:7

Uba're sari'wa norĩ hã te duré sima nharĩ za'ra ãne: — Oto wa te wasiwi mei wa'aba ẽtẽ zapotore i'ui'éré ré hã, ni'wa hã marĩ na te te i'upa, wa te wasiwi upsibi me da, taha nhimi'manharĩzéb upa zarina romnhimimnha wama ihâimana za'ra zé hã. Tahawa, ma tô siwi time, ẽtẽ zapotore hã. Tawamhã Zonahã nhisi hã ma tô watobro.