Zozué 6:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Zozué, ma tô sasedoti norĩ zô hâ, te te tãma nharĩ za'ra da, ãne: — Wedehâ're 'manharĩ 'Re ihâimana u'âsi mono te ré hã te za asiwi i'âri 'wa. Tawamhã te za isõwamhã 7 na sasedoti norĩ tinhimnhihãsi zéb ré hã ai'aba'ré.

Zozué 6:6 Iomraidhean Croise

Ezodu 25:14

Imramizéb da, te za isi'uwazi zapoto 'remhã asiwi tãma izai wa'wa, sahuré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:1

Taha ré, te zahadu Saulu hã te te tãma 're amhâzépa za'ra, Zezusi zazei'wa norĩ ma. Wanhib'apito Zezusihi nhirã zarina 're nomro mono 'ru te, te te tãma 're amhâzépa za'ra, te te uprosi da. Tawamhã nimahã bâtâ na sasedoti tisiré norĩ nhipai u ipire uptabi u ma tô mo, 'Re ihâimana u'âsi mono ma, da'ãma romhuri'wai u, rob'ui'éré hã te te tiwi waptẽrẽ da.

Zozué 24:11

A norĩ wa'wa pa nho'u Zodã pa na saprĩ za'ra wa'aba pari, ma tô 'rinho'u Zerico u hã aihutu 'wa. Tawamhã Zerico ãma aibâ norĩ ma tô ai'wapé za'ra wa'wa. Duré taha pari amoreu norĩ zama ma tô ai'wapé za'ra wa'wa, perizeu norĩ, cananeu norĩ, hitita norĩ, gigazeu norĩ, heveu norĩ, duré zebuzeu norĩ hã. Ãhã wa, wa hã da'ãma i'ai'uté za'ra wa'aba zéb da hã wa tô asib'rata aima sõmri za'ra wa'wa.

Zozué 3:3

ma tô ãne a'uwẽ norĩ ma hã te te tãma waihu'u za'ra: — Levita sasedoti norĩ hã Uburé Danhib'apito, wate 'Re ihâimana u'âsi mono nhimiroti ré wedehâ're 'manharĩ te te siwi âri ré 'madâ'â za'ra wa'aba wamhã, te za asimarĩ hã asima i'ubumro za'ra wa'wa, isarina ai'aba'réi wa'aba da.

Zozué 3:6

Taha pari, te sasedoti norĩ ma nharĩ za'ra, ãne: — Ma'ãpé, danhowa ai'aba'réi wa'aba da, 'Re ihâimana u'âsi mono te, wedehâ're hã asiwi âri aba. Tawamhã Zozué te te tãma i'ru za'ra zéb zarina ma tô siwi mreme 'manha.

Zozué 6:13

Tawamhã wedehâ're 'manharĩ nhowa, te 7 na sasedoti norĩ tinhimnhihâsizéb ré ai'aba'ré, te te hãsi mono sina, duré ihârâ hã te te sahâri za'ra ãna. Ta norĩ nhowa dasi'wapéi 'manharĩ'wa norĩ hã te ai'aba'ré. Te duré wedehâ're 'manharĩ zarina ai'aba'ré, dasi'wapéi 'manharĩ'wa iwa'õtõ hâiba amo hã, daza'u. Tawamhã danhimnhihãsizém hârâ hã simizahâri za'ra õ di.

Zozué 6:5

Tawamhã ta norĩ, pẽ'ẽ hâ sina te te hãsi mono wamhã, te za uburé a'uwẽ norĩ hã sa'ẽtẽ uptabi tizadari za'ra. Tahawa, 'ri nho'õmo 'wawi wa'ra 'rãihâ hã te za waptãrã. Tawamhã hâiba mono bâ awa'awi te za 'ri nho'õmo u hã sisa're, sisisi mono da.

Zozué 6:7

Tawamhã te duré a'uwẽ norĩ ma nharĩ za'ra, ãne: — 'Ri nho'õmo uirĩzém na ma'ãpé ãma sãna'rata za'ra wa'aba oto, ropãrĩ za'ra wa'aba mono sina asõré pese aba na! Duré Uburé Danhib'apito te, wedehâ're 'manharĩ nhowamhã te za dasi'wapéi 'manharĩ'wa norĩ hã sõré pese na hã ai'aba'ré.

Zozué 6:8

Tawamhã Zozué te te tãma iwaihu'u za'ra zéb zarina, ma tô wedehâ're 'manharĩ nhowa, sasedoti norĩ 7 na ihâimana za'ra tinhimnhihãsizé hârâ na hã ãma sãna'rata za'ra.

1 Samuéu 4:3

Tawamhã Izaraéu nhihudu norĩ dawi isimani za'ra hã ma tô apâ aihutu, te te sima i'ri nhoré mono zéb u hã. Tahawa, te Izaraéu nhihudu norĩ ma i'rãnho'õmo za'ra hã nharĩ za'ra ãne: — E marĩ wa, ma tô Uburé Danhib'apito hã waza'ré za'ra, filisteu norĩ te te wa'ãma ai'uté za'ra da, ãhã na hã. Oto wa te we wasiwi âri aba, Uburé Danhib'apito nhimiroti ré, wedehâ're 'manharĩ hã Silo hawimhã. Ãne wamhã, te za wawa'wab za'ra tihâiba. Tawamhã te za duré wanho'reptu za'ra, wanhitob'ru norĩ wi hã.