Zozué 6:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã 'ri nho'õmo ãma ma tô oto siwi ro'o, duré uburé pese marĩ iwa ihâimana za'ra ãma. Tane nherẽ, ẽtẽ waipo pré oru 'manharĩ norĩ hã, ẽtẽ waipo prã prata 'manharĩ, ẽtẽ topsada brõzi 'manharĩ, duré isi'uwazi tete 'manharĩ norĩ hã da te ãma dasiwi ro'o õ di. Ã norĩ si ma tô Uburé Danhib'apito nhorõwa 're, marĩ iwa'âbâ za'ẽtẽ nhemezéb 're dasiwi séme ni.

Zozué 6:24 Iomraidhean Croise

Zozué 11:11

Ma tô Izaraéu nhihudu norĩ, iwa 're ihâimana za'ra mono norĩ hã uburé siwi uprosi. Duré 'ri nho'õmo na ma tô ãma siwi ro'o.

Zozué 6:19

Tane nherẽ, ẽtẽ waipo prã prata na, ẽtẽ waipo pré oru na, ẽtẽ topsada brõzi na, duré isi'uwazi tete na danhib'manharĩ mono hã, uburé ã norĩ, Danhib'apito te hã za. Ta hã te za ite marĩ wa'âbâ za'ẽtẽ nhimi'warazéb 're dasiwi sa'ra ni.

Zozué 6:25

Tawamhã Zozué, ma tô Ra'abi siwa'âbâ zô 're isisõmri mono si duré uburé pese isõrõwa 're, 're ihâimana za'ra mono norĩ hã rẽme za'ra hâiba ré, wapsãi'a'wa norĩ Zerico u te te isatõrĩ zahuré hã, te te simi'uri zahuré wa. Taha dâ'â sina te isihudu hã Izaraéu nhihudu norĩ siré 're hâimana za'ra, ãhã na zama.

Zozué 8:28

Zozué hã ma tô duré Ai ãmamhã ãma sazu. Tahawa ma tô isiprubzé sa'ra 'rãihâ na 're hâimana u'âsi. Tahawa, te ãhã na zama baba na hã 're hâimana.

Apocalipsi 17:16

'Re ihâimana u'âsi mono hã te za pisutu za'ra, 10 na dama ipire za'ra norĩ hã, 'Re ihâimana u'âsi mono te te sima ipisutuzéb zarina, misi haré simisutu te te 're rosa'rata za'ra mono da, duré ropoto siwamnarĩ ma sisõmri za'ra wa, isapari te te 're romhuri za'ra mono da, tinhiptetezém na te te 're pawaptob za'ra mono da. 'Re ihâimana u'âsi mono hã tinhimiropisudu hã romnhowa te te i'aza'ra mono hã za te te ãma i'a'uwaimrami mono zéb u, te za ropoto siwamnarĩ zapari te te 're da'madâ'â 'rãsutu za'ra. Tahawa, ropoto siwamnarĩ i'madâ hã i'õmo norĩ me hã te za ã pi'õi wasédé hã siwi 'ruiwapa. Tawamhã pi'õi wi, te za rob'ubumro za'ra, ai'uréiwi hâimana da. Te za duré inhi hã siwi ti'rẽ. Te za duré siwi uprosi, unhama na. Ãne te za Babilonia ãma hã dasi'utõrĩ.

Apocalipsi 18:8

Ãne te te nasi si'ãma nharĩ wa, te za niwapsi rob'manharĩ pipa hã bâtâ na õne haré sô watobro, dahâzé hã, duré dadâ'âzé hã, duré mra hã. Tawamhã uburé Danhib'apito uptabi, 'Re ihâimana u'âsi mono hã iwasédé te te ãma ihiri hã waihu'u pese uptabi wa, te za uprosi unhama na, pi'õ hã.