Zozué 6:21 - ꞌRe Ihâimana Uꞌâsi Mono Zadawa Wasuꞌu

²¹ Ma tô duré tinhi'wa na aibâ norĩ hã, pi'õ norĩ hã, ai'uté norĩ hã duré ihi norĩ hã te te siwi simro, 'ri nho'õmo wa, uburé 're ihâimana za'ra mono norĩ hã. Ma tô duré te te siwi simro, powawẽ norĩ zama hã, pone'ẽrebâire, duré awaru po're pore.

Zozué 6:21 Iomraidhean Croise

Zozué 10:28

Tawamhã Zozué, to taha bâtâ na Maqueda te te sahui wamhã, ma tô ti'â. Apito ma tô duré tiwĩ. Duré uburé 'ri nho'õmo wa, 're ihâimana za'ra mono norĩ hã ma tô uprosi. Tahawa, ni'wa hã hâiba ré hâimana õ di. Ãne ma tô Zerico ãma apito ma, te te i'manharĩzém ne hã 'manha, Maqueda ãma apito ma hã.

Zozué 10:39

Tawamhã ma tô duré 'ri nho'u siwi ti'â, isib'apito zama, duré uburé iwaptoma 'ri nho'õmo norĩ zama. Tawamhã ta norĩ 'ri nho'õmo mono 're, 're idahâimana za'ra mono norĩ hã ma tô uburé siwi uprosi. Ãne ma tô Zozué, Débihi ma hã 'manha, duré ite apito ma hã, Hebrõ ma te te i'manharĩ ne hã, duré Libna ãma apito norĩ ma te te i'manharĩ za'ra ne hã.

Zozué 11:11

Ma tô Izaraéu nhihudu norĩ, iwa 're ihâimana za'ra mono norĩ hã uburé siwi uprosi. Duré 'ri nho'õmo na ma tô ãma siwi ro'o.

Zozué 11:14

Tawamhã marĩ iwa'âbâ za'ẽtẽ norĩ na, duré 'ri nho'õmo norĩ te danhimizama na hã ma tô Izaraéu nhihudu norĩ hã uburé pese ãma ate za'ra. Tane nherẽ, ma tô uburé pese siwi da'uprosi, ni'wa hã hâiba ré hã hâimana ãna.

Zozué 8:2

Tahawa te za ã hã 'ri nho'õmo ma, Zerico ma, i'manharĩ za'ra wa'aba ne hã tãma i'manharĩ za'ra wa'wa za. Tawamhã ãhã na uburé pese marĩ mono hã, powawẽ norĩ hã te za aima tihâimana za'ra wa'wa. Tahawa ma'ãpé pi'uriwi 'ri nho'õmo babarã u ni'wam norĩ satõrĩ za'ra na, simiza'rese õ ré bâtâ pisutu zarina te te isusi za'ra da hã.

Zozué 8:22

Tawamhã 'ri nho'õmo ãma Izaraéu nhihudu norĩ ihâimana za'ra zama ma tô wairé, Ai te, aibâ norĩ te te 'wapé za'ra da hã. Ãhã wa, aibâ norĩ ma tô uirĩ pese za'ra ni. Tahawa ma tô Izaraéu nhihudu norĩ nhib'rata ai'utõ.

Zozué 9:3

Tawamhã heveu norĩ, 'ri nho'u Gibiã ãma 're ihâimana za'ra mono norĩ, Zerico ma, Zozué te te i'manharĩzé hã, duré 'ri nho'u Ai ma, te te i'manharĩzé hã te te wapari za'ra wamhã,

Apocalipsi 18:21

Tawamhã ãne, wa tô duré te azabu. Hâiwa ãma romhuri'wa isimiwada'uri pire hã ma tô ẽtẽ tõmo wawẽ uptabi hã sarõtõ. Te te sarõtõ wamhã, ma tô âi ba time, â poré ãma. Te te me sina, te ãne tinha: — Ãne te za Babilonia hã 'ri nho'õmo za'ẽne hã sa'ẽtẽ uptabi daré uprosi, si'utõrĩ da. Tawamhã ropsi hã te za oto sô nomro.

1 Samuéu 15:3

Tahawa, te za aimo ãhã na hã, amalequita norĩ a'wapé da. Te za uburé pese isimarĩ za'ra marĩ hã tiwi i'a'upro za, ãma aipẽ'ẽzé za'ra ãna, duré ãma aiwamri za'ra ãna. Uburé pese te za i'upro za aibâ norĩ hã, pi'õ norĩ, ai'uté norĩ, ai'utépré norĩ, powawẽ norĩ, pone'ẽrebâ norĩ, awaru ba'õmore norĩ hã, duré awaru po'repore norĩ zama.

1 Samuéu 15:8

Tahawa, amalequita norĩ te apito Adadi na isisi hã ma tô ti'â te te wĩrĩ ãna. Tane nherẽ, ma tô uburé isib'a'uwẽ norĩ hã uprosi.