Zozué 6:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã awẽ bâtâ na mara hâ ré, ma tô Zozué hã udu. Utu wamhã, wedehâ're 'manharĩ ma tô sasedoti norĩ hã siwi ti'â.

Zozué 6:12 Iomraidhean Croise

Zenezi 22:3

Tawamhã Abra'ã mara hâ ré robza'rã ré, utu wamhã, ma tô awaru po're pore sima bazadâ. Duré mi, ma tô sima anhihâ, tinhoprubzé te te ãma izatazéb da hã. Taha pari, 'Re ihâimana u'âsi mono, ro te te tãma iwasu'u u morĩ da, ma tô oto watobro. Tawamhã Izaqui norĩ, maparane tãma romhuri'wa norĩ me, ma tô isiré ai'aba'ré.

Zozué 3:1

Tawamhã Zozué duré uburé Izaraéu nhihudu norĩ me ma tô robza'rã ré wairé, Sitĩ hawimhã si'aba'ré da, Zodã pa u. Tawamhã pa nho'õmo na te te saprĩ za'ra wana ré, ma tô tame a'â sima 'ri nhoré za'ra.

Zozué 6:11

Tawamhã Zozuéhé nhimiwada'uri zarina ma tô oto sasedoti norĩ hã 'Re ihâimana u'âsi mono te, wedehâ're 'manharĩ te te siwi âri sina, misi haré 'rinho'u hã siwi uirĩ. Taha pari ma tô apâ ai'aba'ré, romhâ 'manharĩ na 'ri nhoré u, tame a'â ãma awẽ za'ra da.

Zozué 6:13

Tawamhã wedehâ're 'manharĩ nhowa, te 7 na sasedoti norĩ tinhimnhihâsizéb ré ai'aba'ré, te te hãsi mono sina, duré ihârâ hã te te sahâri za'ra ãna. Ta norĩ nhowa dasi'wapéi 'manharĩ'wa norĩ hã te ai'aba'ré. Te duré wedehâ're 'manharĩ zarina ai'aba'ré, dasi'wapéi 'manharĩ'wa iwa'õtõ hâiba amo hã, daza'u. Tawamhã danhimnhihãsizém hârâ hã simizahâri za'ra õ di.

Zuize 20:19

Tawamhã awẽm na Izaraéu nhihudu norĩ oto si'aba'réi wamhã, ma tô Zibea 'rata romhâ 'manharĩ na 'ri hã sima sõré.