Zozué 5:5 - ꞌRe Ihâimana Uꞌâsi Mono Zadawa Wasuꞌu

⁵ Ezitu hawi uburé aibâ norĩ iwairébé hã, sihâiwata nhihâri ré si ma tô tihâimana za'ra. Tane nherẽ, a'ubuni wi, supara 'ré si 're irosa'wari mono na dasi'aba'réi ré ipoto za'ra norĩ hã, da te tãma 'manharĩ za'ra õ di, isihâiwata nhihâri za'ra zé hã.

Zozué 5:5 Iomraidhean Croise

Mateu 12:7

Duréihã 'Re ihâimana u'âsi mono zadawa 'mahârâ'wa hã ma tô ãne na rob'ui'éré ibaihâ na hã, 'Re ihâimana u'âsi mono mreme na: “Asimizama hã ĩma 're izata za'ra wa'aba mono zô, 're ĩnhimipari mono õ di oto. Asimizawi pese zarina da'ãma 're aiwamri za'ra wa'aba mono da si, wa ĩsima te 're aiwẽ za'ra wa'wa oto.” Ãne hã ãma waihu'u za'ra wa'aba wamhã, aré iwasédé hã ãma sa'ra wa'aba õ di, ĩsiré 're inomro mono norĩ ãma hã, marĩ iwasédé hã te te 'manharĩ za'ra õ wa, ã bâtâ na ta norĩ hã.

Roma 2:26

Zudeu'õ norĩ hã sihâiwata nhihâri ãna 're nomro mono nherẽ, isimiroti 'rata na si 're hâimana wẽ za'ra mono wamhã, isib'a'uwẽ ne, te za 'Re ihâimana u'âsi mono hã te te 're 'madâ'â za'ra, zudeu norĩ ne.

1 Corĩtu 7:19

Danhihâiwata nhihâri ré si 're idahâimana za'ra mono zé hã marĩ dai õ di, 'Re ihâimana u'âsi mono ma hã. Duré danhihâiwata nhihâri õ nherẽ, 're idahâimana za'ra mono zé hã marĩ dai õ di, 'Re ihâimana u'âsi mono ma hã, ãne hã tô aiwa. Ãne si tãma ipire hã, 're idahâimana za'ra mono zéb da hã. 'Re ihâimana u'âsi mono nhimiroti, da te 're 'madâ'â pese za'ra mono sina 're idanomro wẽ mono zép si, tãma ipire hã.

Galata 5:6

Simisutu Cristu Zezusihi nhib'a'uwẽ oto 're wanomro mono wamhã, 'Re ihâimana u'âsi mono hã te te 're wa'aba'a mono õ di za, isihâiwata nhihâri ré norĩ hã, duré isihâiwata nhihâri õ norĩ hã. Zudeu na duré zudeu'õ na 're iwahâimana za'ra mono zém na hã, te te oto 're wa'awaihu'u mono õ di za. Zezu Cristu Danho'reptui'wa na, wa te wasina 're umnhasi za'ra mono wa, wanhimizawi pese na 're iwahâimana za'ra mono zém na si, te za oto te te 're wa'awaihu'u, 'Re ihâimana u'âsi mono hã.

Galata 6:15

Danhihâiwata nhihâri ré si, 're idahâimana za'ra mono zé hã, marĩ dai õ di, 'Re ihâimana u'âsi mono ma hã. Duré danhihâiwata nhihâri ãna 're idahâimana za'ra mono zéb zama hã marĩ dai õ di, tãma hã. Dahâimanazép tém na, iwẽ na si oto 're idahâimana za'ra mono hã, taha si tãma hã iwẽ uptabi.

Zozué 5:4

Uburé aibâ norĩ si'wapé za'ra da, Ezitu hawi iwairébé norĩ hã ro supara 'ré si 're isa'wari mono zé bâdâdi na si'utõrĩ wa, ma tô ãne hã 'manha, Zozué hã.

Zozué 5:6

40 na ãma iwahub za'ra na ma tô Izaraéu nhihudu norĩ hã 're nomro, supara 'ré na si. Taha ré, uburé aibâ hã za oto 're isi'wapé za'ra mono wabre ãma iwahub za'ra hã Ezitu hawi iwairébé norĩ hã ma tô tidâ'â za'ra. E marĩ wa. Uburé Danhib'apito nhimiroti te te 're wapari za'ra mono õ wa. Tahawa ma tô 'Re ihâimana u'âsi mono hã sena na tãma ropisutu za'ra, ti'a iwe isimarĩ pe hã titõmo na te te i'madâ'â za'ra da hã, te te tãma isa'ré za'ra õ na, ihi'rata za'ra norĩ ma, te te ãma tãma iropisutu za'ra hã, i'uirĩ na te te wama isõmri za'ra da hã.