Zozué 5:2 - ꞌRe Ihâimana Uꞌâsi Mono Zadawa Wasuꞌu

² Tawamhã Zozuéhé ma, te Uburé Danhib'apito hã tinha, ãne: — Ma'ãpé ẽtẽ na sib'ézé hã ab'manharĩ, Izaraéu nhihudu norĩ hã ãma anhihâiwata nhihâri da, maparane ãma.

Zozué 5:2 Iomraidhean Croise

Ezodu 4:25

Tawamhã imro Zipora, ma tô ẽtẽ'wa hâdâ hã ti'â. Taha na ti'ra ma tô sihâiwata nhizâ. Duré ti'ra nhihâiwata na ma tô timro Mozési hã ãma para upi. Tahawa te ãne timro ma tinha: — A hã te za ĩmro dawaprui ré hã ĩma 're aihâimana mo.

Roma 4:11

'Re ihâimana u'âsi mono hã, Abra'ã hã te te sina i'umnhasi pese zém na si, ma tô wẽsã, sihâiwata nhizâri õ nherẽ. Tahawa, sihâiwata nhizâri õ ré, Abra'ã hã, 'Re ihâimana u'âsi mono te te iwẽsãmrizém na hã, te wama wasu'u za'ra, tô sena na uburé da te 're iwaihu'u za'ra mono zéb da hã. Tahawa, Abra'ã hã uburé 'Re ihâimana u'âsi mono, da te dasina 're i'umnhasi za'ra mono norĩ hi'rada, ta hã. Duré sihâiwata nhihâri õ nherẽ, 'Re ihâimana u'âsi mono te te 're i'awẽsãmri mono norĩ hi'rada.

Colosu 2:11

Zudeu norĩ hã te 're sisihâiwata nhihâri za'ra, 'Re ihâimana u'âsi mono nhib'a'uwẽ 're inomro mono na da te ãma 're iwaihu'u za'ra mono zéb da hã. Tane duré, wa norĩ hã Cristuhu ãma oto 're wanomro mono wa, ta hã ma tô wapẽ'ẽ 're wanhimirosa'rata wasété na 're iwanomro wasété mono zé hã te te wawi 're anhihâri, wawẽ na si oto ãma 're wahâimana za'ra mono da.

Zozué 5:3

Tawamhã Zozué ma tô ab'manha, sib'ézé hã. Taha na ma tô duré Izaraéu nhihudu norĩ hã anhihâiwata nhihâ, ẽne hã Danhihâiwata Nhihârizém na isisi ãma.