Zozué 4:3 - ꞌRe Ihâimana Uꞌâsi Mono Zadawa Wasuꞌu

³ Tawamhã te za ãne tãma iwaihu'u za'ra za: “Ma'ãpé ẽne hã 12 na asiwi waibui wa'aba Zodã pa â wa'wamhã, sasedoti norĩ iwa isimasabzéb ãmamhã. Tawamhã ta hã ẽne hã te za i'wasari 'wa, asiwi sa'ra wa'aba da, ã mara na za 'ri hã asima isãrĩ za'ra wa'aba zéb ãmamhã.”

Zozué 4:3 Iomraidhean Croise

Zenezi 28:22

à hã ẽne hâiwi te isãrĩ asõrõwa da hã, 'Re ihâimana u'âsi mono. Duré uburé marĩ ĩma 're i'anhomri mono hã, wa za aima te 're sõmri apâ, 10 na isa'rata ãma.”

Salmu 103:2

Uburé Danhib'apito, ĩpẽ'ẽ na tô ai'ãma 're ĩwata mono da si, wa ĩsima te 're 'ruiwapari! Duré marĩ iwẽ na 're ĩpawapto mono zém na 're ĩpo're simrami tõ mono da, wa tô ĩsima te 're wẽ u'âsi!

Luca 19:40

Tawamhã te Zezusi hã asa tãma nharĩ za'ra, ãne: — Tô sena wa aima waihu'u za'ra wa'wa. Ari'iwi si'aba'réi 'wa'âhã, te aré tô ẽne hã mreme 'rãihâ na, 'Re ihâimana u'âsi mono ãma tiwata za'ra.

Zozué 24:27

Tahawa te uburé dama tinha, ãne: — Ma'ãpé ã hã ẽne asiwi 'madâ'â aba! Ãma 're iwasipo're pu'u za'ra mono zéb da hã te za wama 're hâimana za'ra, wa te wasiwi 're 'madâ'â mono wa. Õ hã ma tô Uburé Danhib'apito te te wama inharĩ za'ra zé hã wapa. Niwa apto'oré 'Re ihâimana u'âsi mono 're rẽme za'ra wa'aba mono õ'umnhasite, te za te te 're ai'uwati za'ra wa'wa.

Zozué 3:13

Tawamhã sasedoti norĩ, Uburé Danhib'apito te, wedehâ're 'manharĩ te te siwi âri ré, â wa tipara hã te te sõré wamhã, te za Zodã pa â ipraba hã mazazâ. Tawamhã â hã sãrã u hã te za taré ti'â 'masisi.

Zozué 4:4

Tawamhã Zozué, aibâ 12 na te te ipisutu za'ra norĩ zô, te hâ.

Zozué 4:8

Tawamhã aibâ norĩ hã, Zozué te te tãma iwaihu'u za'ra zéb zarina, ma tô siwi mreme 'manha. Zozuéhé ma, Uburé Danhib'apito te te tãma inharĩzéb zarina ma tô Zodã pa â wa'wa ãma ẽne 12 na siwi waibu, Izaraéu nhihudu wamri mono bâ misi si. Tawamhã te te oto 'wasari wamhã, ma tô sa'ra za'ra, romhâ 'manharĩ na 'ri isisõré ãma.

1 Samuéu 7:12

Tawamhã Samuéu hã ma tô ti'â ẽtẽ tõmo wawẽ hã. Tawamhã ma tô tihi, Mispa na 'ri nho'õmo ro wa'wa, Sẽ na daza'ru nhisi wa'wa me. Tawamhã te ãne tinha: — Ãwap si ma tô Uburé Danhib'apito hã wapawaptob za'ra. Tahawa, ma tô sisi, Ebeneze na.