Zozué 4:24 - ꞌRe Ihâimana Uꞌâsi Mono Zadawa Wasuꞌu

²⁴ Ãne wa, te za daro mono bâ uburé pese da te 're waihu'u za'ra, Uburé Danhib'apito ate wa'wa 'Re ihâimana u'âsi mono iwaihu'u pese nhiptetezé hã. Taha dâ'âsina te za duré a norĩ wa'wa õne u'â 're iwazéb za'ra wa'aba mo za.

Zozué 4:24 Iomraidhean Croise

Salmu 89:13

E niha i'aipaihi nhiptete uptabi! Duré e niha i'asib'rata nhiptete uptabi!

Salmu 89:7

A hã aiwazé pese na, te ta norĩ 're isi'rã'õtõ mono zéb ãma tãma 're aihâimana za'ra mo. Tame te te siwi 're i'ai'uirĩ za'ra mono norĩ hã te duré uburé te te siwi 're aiwazé pese.

Ezodu 14:31

Tawamhã Izaraéu nhihudu norĩ hã Uburé Danhib'apito tiwaihu'u pese na ezipsiu norĩ ãma te te i'ai'uté za'ra zé te te 'madâ'â za'ra wamhã, ma tô ãma itob'uzu za'ra zéb zarina oto wazéb za'ra. Tahawa, ma tô Uburé Danhib'apito hã oto siwi umnhasi. Duré tãma romhuri'wa Mozésihi zama te oto umnhasi na hã tãma tihâimana za'ra.

Ezodu 15:16

Tawamhã ipahi uptabi za'ra hã ma tô iwap sisisi. Tawamhã duré ta norĩ aiwaihu'u pese na tãma irob'manharĩ za'ra zé te te 'madâ'â za'ra wamhã, ma tô ẽtẽ ne rési ãna simizahâri za'ra haré aimasa, asib'a'uwẽ norĩ te te a'â iro'rahâri za'ra zéb u, pawa'âbâ ãna te te 're iromhuri za'ra mono isõ'reptu za'ra hã.

Ezodu 20:20

Tawamhã Mozési, ma ãma da'azada'â ãne: — Aipahi za'ra wa'aba tõ. E marĩ wa. 'Re ihâimana u'âsi mono hã te sima wẽ, te te aipibu za'ra wa'aba da, tãma 're i'aipahi za'ra wa'aba mono zéb ré 're aihâimana u'âsi za'ra wa'aba mono wa, aiwasété wi 're aipizari za'ra wa'aba mono da.

Ezodu 9:16

Tane nherẽ, a'â 're aihâimana mono da hã wa tô bâdâ hã aima apraba, ĩwaihu'u pese na 're ĩhâimana mono zé hã te a'â aima hâi'ré da, duré uburé daro mono bâ ĩnhisi, da te waihu'u za'ra da hã.

1 Samuéu 17:46

Tahawa, tô ã bâtâ na te za Wanhib'apito 'Re ihâimana u'âsi mono hã ĩma aihâiba nho, ĩnhib'rata. Taha zarina, wa za ai'ãma ai'uté. Wa za tawamhã ai'rã nhizâ. Tawamhã ã bâtâ na wa za asiré filisteu dasi'wapéi 'manharĩ'wa norĩ hã hâiba nhomri za'ra si norĩ ma, duré abaze norĩ ma hã. Ãne wamhã, ropâ te za uburé pese oto da te 're waihu'u za'ra misi pese Izaraéu nhihudu norĩ te, 'Re ihâimana u'âsi mono 're ihâimana mono na hã.