Zozué 4:19 - ꞌRe Ihâimana Uꞌâsi Mono Zadawa Wasuꞌu

¹⁹ Tahawa, a'amo za'ratazé imorĩ'rata na bâdâ dia 10 na ma tô a'uwẽ norĩ saprĩ za'ra, Zodã pa â na hã. Tawamhã Gilga na 'ri wa'õtõ nhisi ãma ma tô sima 'ri nhoré za'ra, Zerico ãma bâtâ pusizém niwĩ.

Zozué 4:19 Iomraidhean Croise

Zozué 10:43

Ãne pari ma tô Zozué norĩ tite dasi'wapéi 'manharĩ'wa norĩ me hã apâ ai'aba'ré, Gilga ãma romhâ 'manharĩ na 'ri nhoré u hã.

Zozué 10:6

Tawamhã ma tô Gibiã norĩ, Zozuéhé ma Gilga ãma 'ri nhoré u ãne romreme hã tãma sõmri za'ra: — Warẽme za'ra tõ! We aimorĩ ai'aba'ré na, wapawaptob za'ra da, duré wanho'reptu za'ra da! Uburé apito amoreu norĩ hã ẽtẽ ãma 're ihâimana za'ra mono hã ma tô wazada si'rã'õtõ!

Zozué 24:11

A norĩ wa'wa pa nho'u Zodã pa na saprĩ za'ra wa'aba pari, ma tô 'rinho'u Zerico u hã aihutu 'wa. Tawamhã Zerico ãma aibâ norĩ ma tô ai'wapé za'ra wa'wa. Duré taha pari amoreu norĩ zama ma tô ai'wapé za'ra wa'wa, perizeu norĩ, cananeu norĩ, hitita norĩ, gigazeu norĩ, heveu norĩ, duré zebuzeu norĩ hã. Ãhã wa, wa hã da'ãma i'ai'uté za'ra wa'aba zéb da hã wa tô asib'rata aima sõmri za'ra wa'wa.

Zozué 4:18

Tawamhã sasedoti norĩ, Zodã pa â hawi wairébé wa, ti'a i'ré tipara na te te wati'i za'ra pari, ma tô â hã oto apâ tipraba. Duré iwana te te isuwai mono ne, ma tô apâ pazaihâ hã te te suwa.

Zozué 5:10

Tawamhã Izaraéu nhihudu norĩ, Gilga ãma te te sima i'ri nhoré za'ra zéb ãma te tihâimana za'ra, romharé Zerico 'ri nho'u te te i'uirĩ ãma. Tame ma tô hâiwahâ bâtâ 're dia 14 na, a'amo imorĩ'rata uptabi te na sima romhu'u za'ra, Pascowa na dato isa'ẽtẽ nhisi na bara na hã.

Zozué 5:9

Tawamhã Uburé Danhib'apito, te Zozuéhé ma tinha, ãne: — Aipawa'âbâ ãna Ezitu ãma dama 're irob'ma'wamarĩ za'ra wa'aba mono zéb zarina rowazé hã wa tô aima sani za'ra wa'wa, â bâtâ na hã. Ãne wa, ma tô Gilga na siwi romnhisi. Zahadu te ãhã na zama ãma romnhisi hã 're hâimana.

Zozué 9:6

Tawamhã Gilga ãma romhâ 'manharĩ na 'ri nhoré u ma tô ai'aba'ré. Si'aba'réi wamhã, ma tô Zozuéhé ma nharĩ za'ra, duré uburé aibâ Izaraéu nhihudu norĩ ma, ãne: — Wa norĩ wa tô we aihutu ni, ti'ai wa'õtõ nho'u romhâ uptabi hawimhã. Tahawa dasi'wapéi ãna dahâimanazém na dasisazezé hã ma'ãpé wama 'manharĩ za'ra wa'aba.

1 Samuéu 10:8

Ma'ãpé aimorĩ ĩnhowa Gilga na romnhisi u. Tawamhã tamep si wa za duré wa hã asõpẽtẽ, 'Re ihâimana u'âsi mono ma, ĩnhoprubzéb da danhimizama hã te zata pese da, ãma ĩmorĩ wamhã. Wa za duré tãma ãma ĩnhopru, danhoprubzém na ãma idapẽ'ẽ to za'ẽtẽ na hã. Tahawa, a'â ĩzô asimipari za, 7 bâtâ 'remhã wa hã ãma ĩwisizéb u, duré te aima waihu'u da, za marĩ i'manharĩzéb da hã.

1 Samuéu 15:33

Tawamhã te Samuéu hã tãma tinha ãne: — Asi'wa hã dana norĩ 'ra ãna 're hâimana za'ra mono da, te te tãma 're i'manharĩ za'ra mono ne, te za ãhã na hã ana zama oto 'ra ãna tihâiba. Taha pari, ma tô oto Samuéu hã ãma aiwã õne haré, Gilga ãma, danhoprubzéb da, ẽtẽ za'ra nho're.