Zozué 4:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã taha bâtâ na hã Izaraéu nhihudu norĩ, Zozué aibâ dama isa'ẽtẽ na te te waihu'u za'ra da hã, ma tô Uburé Danhib'apito hã tãma 'manharĩ za'ra. Tahawa Mozési te te siwi 're iwazéb za'ra mono ne, ma tô duré Zozué hã te te siwi 're wazé pese.

Zozué 4:14 Iomraidhean Croise

Ezodu 11:3

Tawamhã Uburé Danhib'apito, ma tô ezipsiu norĩ hâimanazém na hã ãma tiwi saprĩ za'ra, Izaraéu nhihudu norĩ te te hâiba wazéb za'ra da hã. Tahawa sena na apito ma romhuri'wa norĩ, duré uburé a'uwẽ ezipsiu norĩ 're ihâimana za'ra mono, ma tô Mozési aibâ isa'ẽtẽ na hã siwi hâimanazé wẽsã.

Ezodu 14:31

Tawamhã Izaraéu nhihudu norĩ hã Uburé Danhib'apito tiwaihu'u pese na ezipsiu norĩ ãma te te i'ai'uté za'ra zé te te 'madâ'â za'ra wamhã, ma tô ãma itob'uzu za'ra zéb zarina oto wazéb za'ra. Tahawa, ma tô Uburé Danhib'apito hã oto siwi umnhasi. Duré tãma romhuri'wa Mozésihi zama te oto umnhasi na hã tãma tihâimana za'ra.

Provébiu 24:21

Ĩ'ra, ma'ãpé Uburé Danhib'apito hã 're wazé mono, duré dama ipire norĩ zama. Duré ã norĩ da, sada 're ihâimana za'ra mono norĩ siré hã 're aihâimana mono tõ.

Roma 13:4

Ta norĩ hã te 'Re ihâimana u'âsi mono zadawa para, te te 're romhuri za'ra, iwẽ na si te te 're aipawaptob za'ra wa'aba mono da, taha zarina, rowẽ na 're asimroi wa'aba mono da. Tane nherẽ, marĩ iwasété si 're 'manharĩ u'âsi za'ra wa'aba mono wamhã, te za tô tãma 're aipahi za'ra wa'aba mo. E marĩ wa. Dama ipire norĩ hã tô sena siptete uptabi wa, te te 're idahâ za'ra mono zéb da hã. 'Re ihâimana u'âsi mono zadawa para, te isimipari'õ norĩ hã te te 're hâ za'ra.

1 Corĩtu 10:2

Ãne na hâiwa'a 'rowi 're danomro mono wa, duré â wa'wai baba rob'ré na da te saprĩ za'ra wa, ma tô Mozésihi ãma uburé da te ãma 're sasõmri za'ra, wa norĩ hã â dawabzuri, wa te 're 'manharĩ za'ra mono wa, Cristuhu ãma, wa te oto 're isasõmri za'ra mono ne.

Zozué 3:7

Tawamhã Uburé Danhib'apito, te Zozuéhé ma tinha, ãne: — Ã bâtâ na za marĩ te i'manharĩzéb zarina, uburé Izaraéu nhihudu norĩ hã te za siwi aiwaihu'u, aibâ dama i'asa'ẽtẽ na hã. Te za tawamhã duré siwi ĩwaihu'u, Mozésihi siré 're ĩhâimana mono ne, duré asiré zama 're ĩhâimana mono na hã.

Zozué 4:13

40 miu na aibâ norĩ hã ma tô si'wapé za'ra da, simire sina â na saprĩ za'ra, 'Re ihâimana u'âsi mono Uburé Danhib'apito nho'a, romharé u Zerico niwĩ.

Zozué 4:15

Tawamhã Uburé Danhib'apito te Zozuéhé ma tinha, ãne:

1 Samuéu 12:18

Tawamhã Samuéu hã ma tô mre, 'Re ihâimana u'âsi mono ma. Tãma mreme wamhã, tô taha bâtâ na ma tô Wanhib'apito hã tãma rob'ru tãirãrã'ã ma, duré tãi ma hã. Tahawa, ma tô uburé Izaraéu nhihudu norĩ hã tipahi pese za'ra Wanhib'apito ma hã, duré Samuéu ma zama.