Zozué 4:13 - ꞌRe Ihâimana Uꞌâsi Mono Zadawa Wasuꞌu

¹³ 40 miu na aibâ norĩ hã ma tô si'wapé za'ra da, simire sina â na saprĩ za'ra, 'Re ihâimana u'âsi mono Uburé Danhib'apito nho'a, romharé u Zerico niwĩ.

Zozué 4:13 Iomraidhean Croise

Ezodu 13:18

Tahawa, 'Re ihâimana u'âsi mono, ma tô Izaraéu nhihudu norĩ hã rop si 're irosa'wari mono bâdâdi na te te ãma sa'oto za'ra, Âpré na â poré nhisi 're ihâimana mono nho'õmoi baba. Tawamhã Izaraéu nhihudu norĩ Ezitu hawi wairébé wamhã, ma tô dasi'wapéi wab da 'wamnhasite, si'wapé za'ra zéb ré hã wairé.

Éfézu 6:11

Dasi'wapé 'manharĩ'wa norĩ hã te za sisada 're si'uza za'ra. Tane te za 'Re ihâimana u'âsi mono nhimipawaptobzéb ré, 're anomro aba mo, Wa'uburé nhimiroti da, asiptete sina sada 're aihâimana za'ra wa'aba mono da.

Zozué 4:12

Aibâ Rubẽhẽ nhihudu norĩ hã, Gadihi nhihudu norĩ hã, duré Manaséhé nhihudu norĩ hã bâtâ pusizém hawimhã, ma tô danhowa saprĩ za'ra, simire za'ra sina si'wapé za'ra da hã, Mozési te te iwaihu'uzéb zarina.

Zozué 4:14

Tawamhã taha bâtâ na hã Izaraéu nhihudu norĩ, Zozué aibâ dama isa'ẽtẽ na te te waihu'u za'ra da hã, ma tô Uburé Danhib'apito hã tãma 'manharĩ za'ra. Tahawa Mozési te te siwi 're iwazéb za'ra mono ne, ma tô duré Zozué hã te te siwi 're wazé pese.

Zozué 5:10

Tawamhã Izaraéu nhihudu norĩ, Gilga ãma te te sima i'ri nhoré za'ra zéb ãma te tihâimana za'ra, romharé Zerico 'ri nho'u te te i'uirĩ ãma. Tame ma tô hâiwahâ bâtâ 're dia 14 na, a'amo imorĩ'rata uptabi te na sima romhu'u za'ra, Pascowa na dato isa'ẽtẽ nhisi na bara na hã.

Zuize 20:1

Tawamhã ãne wa, uburé Izaraéu nhihudu norĩ, hâiwa nhimi'e niwĩ Dãhã nhihudu 're ihâimana za'ra mono hawimhã, Beseba, hâiwa nhimire niwĩ 're ihâimana za'ra mono hawim norĩ me, duré Ziliadi, bâtâ pusizém niwĩ 're ihâimana za'ra mono hawim norĩ me, ma tô Mispa na 'ri wa'õtõ nhisi ãma si'rã'õtõ. Misi dahâiba ne ma tô Uburé Danhib'apito nho'remhã si'ubumro.