Zozué 4:11 - ꞌRe Ihâimana Uꞌâsi Mono Zadawa Wasuꞌu

¹¹ Uburé te te saprĩ za'ra wamhã, ma tô wedehâ're hã sina sõ're za'ra, isõwab za'ra duré hâimana za'ra da. Tawamhã sasedoti norĩ zama ma tô sina danho're za'ra, danhowa hâimana za'ra da, ta norĩ hã.

Zozué 4:11 Iomraidhean Croise

Zozué 24:11

A norĩ wa'wa pa nho'u Zodã pa na saprĩ za'ra wa'aba pari, ma tô 'rinho'u Zerico u hã aihutu 'wa. Tawamhã Zerico ãma aibâ norĩ ma tô ai'wapé za'ra wa'wa. Duré taha pari amoreu norĩ zama ma tô ai'wapé za'ra wa'wa, perizeu norĩ, cananeu norĩ, hitita norĩ, gigazeu norĩ, heveu norĩ, duré zebuzeu norĩ hã. Ãhã wa, wa hã da'ãma i'ai'uté za'ra wa'aba zéb da hã wa tô asib'rata aima sõmri za'ra wa'wa.

Zozué 3:17

Izaraéu nhihudu norĩ hã ti'ai 'ré te te iwati'i za'ra na ma tô saprĩ za'ra. Taha ré, ma tô sasedoti norĩ 'Re ihâimana u'âsi mono nhimiroti ré wedehâ're 'manharĩ te te siwi i'âri hã rob'ré wa iré mazahâri za'ra Zodã pa â wa'wamhã. Tahawa, ma tô a'â tamem haré aimasa, uburé da te ãma isaprĩ za'ra zéb u.

Zozué 3:8

Ma'ãpé duré ãne tãma waihu'u za'ra na, sasedoti norĩ ĩnhimiroti ré wedehâ're te te siwi i'âri norĩ ma: “Pa nho'õmo u aihutu aba wamhã, asimizahâri za'ra wa'aba za a'â, â 'remhã pazaihâ 'rata.”

Zozué 4:10

Tahawa, sasedoti norĩ hã ma tô Zodã pa â wa'wamhã mazahâri za'ra, Uburé Danhib'apito hã, Zozuéhé ma te te iwaihu'uzéb zarina a'uwẽ norĩ hã uburé te te i'manharĩ za'ra zéb u, Mozésihi ma rotizéb zarina. Tawamhã a'uwẽ norĩ â na ma tô sa'ẽtẽ saprĩ za'ra.

Zozué 4:12

Aibâ Rubẽhẽ nhihudu norĩ hã, Gadihi nhihudu norĩ hã, duré Manaséhé nhihudu norĩ hã bâtâ pusizém hawimhã, ma tô danhowa saprĩ za'ra, simire za'ra sina si'wapé za'ra da hã, Mozési te te iwaihu'uzéb zarina.

Zozué 4:18

Tawamhã sasedoti norĩ, Zodã pa â hawi wairébé wa, ti'a i'ré tipara na te te wati'i za'ra pari, ma tô â hã oto apâ tipraba. Duré iwana te te isuwai mono ne, ma tô apâ pazaihâ hã te te suwa.