Zozué 4:10 - ꞌRe Ihâimana Uꞌâsi Mono Zadawa Wasuꞌu

¹⁰ Tahawa, sasedoti norĩ hã ma tô Zodã pa â wa'wamhã mazahâri za'ra, Uburé Danhib'apito hã, Zozuéhé ma te te iwaihu'uzéb zarina a'uwẽ norĩ hã uburé te te i'manharĩ za'ra zéb u, Mozésihi ma rotizéb zarina. Tawamhã a'uwẽ norĩ â na ma tô sa'ẽtẽ saprĩ za'ra.

Zozué 4:10 Iomraidhean Croise

Salmu 119:60

Wa hã, wa sa'ẽtẽ ĩsima 're ĩtob'uzu ĩsitété ãna, asimiroti si te 're 'madâ'â pese mono na 're ĩmorĩ da oto.

Ezodu 12:39

Tawamhã Izaraéu nhihudu norĩ hã ma tô i'u'ẽne hã te te sebre, Ezitu hawi te te i'wasari hã, iwai'oi wari na hã. U'ẽtẽ dupto da, da te 're iwazari za'ra mono zéb õ na, ma tô tisa te te huri, rowãiwa isimizahâri za'ra mono zéb ãma. E marĩ wa, ma tô i'u'ẽtẽ wapuzém na wazari ãna tisa te te huri. Ezipsiu norĩ waptu na te te tãma rob'ru za'ra wa, duré tãma bâtâ za'ra õ wa. Tahawa, ma tô ti'ai wa'õtõ nho'u Ezitu hawi, wazarizéb ãna iwai'oi wari na iwaptẽrẽ si siré 'wasa. Tahawa, te oto taha na si tisa te te huri.

Provébiu 27:1

Asi'madâ'â ze zéb zarina, za awẽb da, asima irowa'õtõzé hã dama wasu'u tõ. E marĩ wa. Aima waihu'u õ wa, awẽm na za marĩ asô iwatobrozé hã.

2 Corĩtu 6:2

Duréihã Izaia hã ma tô 'Re ihâimana u'âsi mono mreme na rob'ui'éré, ãne: “Ai'ãma ĩpẽ'ẽzézéb da, bâdâ te ĩsima ipisutuzém na, wa tô aiwapa. Te i'asõ'reptuzéb da, bâdâ hã iwa waptã'ã wamhã, wa tô aipawapto tô.” Ma'ãpé, ĩwapari pese za'ra wa'aba. Bâdâ ma tô oto iwa waptãrã, 'Re ihâimana u'âsi mono nhimizawi pese zé hã asi'uihâ na asima tiwi waptẽrẽ za'ra wa'aba da, duré te te asõ'reptu za'ra wa'aba da.

Zozué 24:11

A norĩ wa'wa pa nho'u Zodã pa na saprĩ za'ra wa'aba pari, ma tô 'rinho'u Zerico u hã aihutu 'wa. Tawamhã Zerico ãma aibâ norĩ ma tô ai'wapé za'ra wa'wa. Duré taha pari amoreu norĩ zama ma tô ai'wapé za'ra wa'wa, perizeu norĩ, cananeu norĩ, hitita norĩ, gigazeu norĩ, heveu norĩ, duré zebuzeu norĩ hã. Ãhã wa, wa hã da'ãma i'ai'uté za'ra wa'aba zéb da hã wa tô asib'rata aima sõmri za'ra wa'wa.

Zozué 3:13

Tawamhã sasedoti norĩ, Uburé Danhib'apito te, wedehâ're 'manharĩ te te siwi âri ré, â wa tipara hã te te sõré wamhã, te za Zodã pa â ipraba hã mazazâ. Tawamhã â hã sãrã u hã te za taré ti'â 'masisi.

Zozué 4:11

Uburé te te saprĩ za'ra wamhã, ma tô wedehâ're hã sina sõ're za'ra, isõwab za'ra duré hâimana za'ra da. Tawamhã sasedoti norĩ zama ma tô sina danho're za'ra, danhowa hâimana za'ra da, ta norĩ hã.

Zozué 4:9

Tawamhã Zozuéhé zama ma tô 12 na ẽne hã Zodã pa â wa'wa ãmamhã dame sa'ra, sasedoti norĩ, wedehâ're 'manharĩ te te siwi âri wa, iré isimizahâri za'ra zéb ãma. (Ta hã ẽne te zahadu 're simi'wara.)