Zozué 3:4 - ꞌRe Ihâimana Uꞌâsi Mono Zadawa Wasuꞌu

⁴ Ãne te za nimomo ai'aba'réi wa'aba zéb da hã iwaihu'u za'ra wa'wa, ã hã bâdâdi na niwamhã ãma 're anomro aba mono õ wa. Tane nherẽ, wedehâ're 'manharĩ hã asina tété za'ra wa'aba õ di za. Misi ti'ai pibuzém na te za romhâ prã na asiwi ipibu za'ra wa'aba mo za.

Zozué 3:4 Iomraidhean Croise

Zenezi 31:2

Tawamhã Zaco ma tô duré 'madâ'â waihu'u, Labã imorĩ'rata na isiwaihu'u na tãma ihâimana nei õ na isihâi'rézém na hã.

Salmu 89:7

A hã aiwazé pese na, te ta norĩ 're isi'rã'õtõ mono zéb ãma tãma 're aihâimana za'ra mo. Tame te te siwi 're i'ai'uirĩ za'ra mono norĩ hã te duré uburé te te siwi 're aiwazé pese.

Ezodu 19:12

Ma'ãpé duré ẽtẽ zahâpâi baba iwawi na hã ãma uirĩ na, ãma dazaihâ za'ra tõ da, iwawizém na hã. Duré dama nharĩ za'ra na ẽtẽ na da'mazai'uri tõ da, duré 'râwimhã itẽme da'maiwisi tõ da. Ni'wa duré tipara na te te upi wamhã, za da te dasiwi wĩrĩ õ'umnhasite.

Ezodu 3:5

Tawamhã 'Re ihâimana u'âsi mono hã te tãma tinha ãne: — Tame asimizazâri. 'Râwi we ĩtẽme aimorĩ tõ! Ma'ãpé aipara'uza hã sani na. E marĩ wa. Ta ti'a iwa i'asa hã iwazéb zahi wa. Te duré tãma nharĩ na sahu ãne, 'Re ihâimana u'âsi mono hã:

Ezodu 4:10

Tawamhã Mozési, ma te 'Re ihâimana u'âsi mono ãma sada'â ãne: — Ĩnhib'apito, tane ĩma iwaihu'u wana ré, niwamhã ĩmreme waihu'u pese na hã ãma ĩhâimana õ di. Wa hã ĩmreme tobre di, duré ĩmreme zani su'u õ di. Duré ĩmreme hã te 're sani mono wamhã, ĩmreme tété hâre di.

Zozué 3:3

ma tô ãne a'uwẽ norĩ ma hã te te tãma waihu'u za'ra: — Levita sasedoti norĩ hã Uburé Danhib'apito, wate 'Re ihâimana u'âsi mono nhimiroti ré wedehâ're 'manharĩ te te siwi âri ré 'madâ'â za'ra wa'aba wamhã, te za asimarĩ hã asima i'ubumro za'ra wa'wa, isarina ai'aba'réi wa'aba da.

Zozué 3:5

Tawamhã Zozué te dama tinha, ãne: — Ma'ãpé aipẽ'ẽ 'remhã asipese za'ra wa'aba. E marĩ wa. Uburé Danhib'apito te za awẽmhã aima za'ra wa'aba marĩ isa'ẽne hã 'manha.