Zozué 3:17 - ꞌRe Ihâimana Uꞌâsi Mono Zadawa Wasuꞌu

¹⁷ Izaraéu nhihudu norĩ hã ti'ai 'ré te te iwati'i za'ra na ma tô saprĩ za'ra. Taha ré, ma tô sasedoti norĩ 'Re ihâimana u'âsi mono nhimiroti ré wedehâ're 'manharĩ te te siwi i'âri hã rob'ré wa iré mazahâri za'ra Zodã pa â wa'wamhã. Tahawa, ma tô a'â tamem haré aimasa, uburé da te ãma isaprĩ za'ra zéb u.

Zozué 3:17 Iomraidhean Croise

Ezodu 14:21

Tawamhã Mozési â nhisiwi tinhib'rada te te oto wẽ wamhã, Uburé Danhib'apito, ma tô rowa'u isiptede bâtâ pusizém hawi iwatobro da hã tãma rob'ru, â te te isiwasi da hã. Tawamhã marabâre rowa'u isiptede te te â wapõrĩ u'âsi wa, ma tô â poré wa'wam nherẽ, siti'ai'ré. Tahawa, â sima siwãnhizari wamhã,

Ezodu 14:22

ma tô â nhitõmo si'uiwa norĩ wa'wamhã Izaraéu nhihudu norĩ ti'ai 'ré na oto saprĩ za'ra.

Ezodu 14:29

Tane nherẽ, Izaraéu nhihudu norĩ hã ma tô â wa'waibaba ti'ai 'ré na hã saprĩ za'ra, â nhitõmo si'uiwa wa'wamhã.

Hebreu 11:29

Duré Izaraéu nhihudu norĩ hã, 'Re ihâimana u'âsi mono si te te sina 're i'umnhasi za'ra mono zéb zarina, ma tô â poré na hã saprĩ za'ra, zara u, Â ipré na â poré nhisi na. Â 'ré na da te 're isaprĩ za'ra mono ne, ma tô rob'ré na saprĩ za'ra, â zada'ré amoi u hã, i'uiwada u. Tane nherẽ, ezipsiu norĩ hã rob'ré na dazarina te te aré saprĩ za'ra da, si'aba'réi wamhã, ma tô â hã apâ iré atob za'ra. Tahawa, ezipsiu norĩ hã â poré na ma tô uburé ai'utõ.

Zozué 4:1

Tawamhã uburé Izaraéu norĩ Zodã pa â na te te saprĩ za'ra pari, ma tô Uburé Danhib'apito hã tãma tinha ãne, Zozuéhé ma:

Zozué 4:10

Tahawa, sasedoti norĩ hã ma tô Zodã pa â wa'wamhã mazahâri za'ra, Uburé Danhib'apito hã, Zozuéhé ma te te iwaihu'uzéb zarina a'uwẽ norĩ hã uburé te te i'manharĩ za'ra zéb u, Mozésihi ma rotizéb zarina. Tawamhã a'uwẽ norĩ â na ma tô sa'ẽtẽ saprĩ za'ra.

Zozué 4:11

Uburé te te saprĩ za'ra wamhã, ma tô wedehâ're hã sina sõ're za'ra, isõwab za'ra duré hâimana za'ra da. Tawamhã sasedoti norĩ zama ma tô sina danho're za'ra, danhowa hâimana za'ra da, ta norĩ hã.

Zozué 4:22

te za ãma tãma 're irowasu'u za'ra wa'aba mo, Izaraéu nhihudu norĩ, Zodã pa pa'ré na te te isaprĩ za'ra zém na hã.

Zozué 4:3

Tawamhã te za ãne tãma iwaihu'u za'ra za: “Ma'ãpé ẽne hã 12 na asiwi waibui wa'aba Zodã pa â wa'wamhã, sasedoti norĩ iwa isimasabzéb ãmamhã. Tawamhã ta hã ẽne hã te za i'wasari 'wa, asiwi sa'ra wa'aba da, ã mara na za 'ri hã asima isãrĩ za'ra wa'aba zéb ãmamhã.”

Zozué 5:1

Tawamhã uburé amoreu nhib'apito norĩ, Zodã pa zara niwĩ bâtâ zasizém niwĩ 're ihâimana za'ra mono norĩ hã duré Cana'ã nhib'apito norĩ, âporé Mediterãniu zaihâ na 're ihâimana za'ra mono norĩ zama, ma tô waihu'u za'ra, Zodã pa â, Uburé Danhib'apito te te i'rézé hã, Izaraéu nhihudu norĩ te te ãma isaprĩ za'ra zéb da hã. Tahawa Izaraéu nhihudu norĩ hã isiniwĩ te te oto saprĩ za'ra wamhã, ma tô ta norĩ hã tãma tipahi pese za'ra. Ma tô duré siptete hai'utõrĩ za'ra.