Zozué 3:16 - ꞌRe Ihâimana Uꞌâsi Mono Zadawa Wasuꞌu

¹⁶ ma tô â praba hã mazazâ. Tawamhã ma tô taré sãrã u ti'âtâ, Sartã na 'ri nho'õmo nhisi niwĩ 'ri nho'u Adã na isisi tẽmemhã. Tawamhã pi'reba ma tô â hã õne haré ti'ré pese, Â Warĩrĩ na pu'u nhisi u. Tahawa ma tô oto a'uwẽ norĩ hã saprĩ za'ra, Zerico 'rata ti'ai u hã.

Zozué 3:16 Iomraidhean Croise

Zenezi 14:3

Tawamhã ã hã 5 na apito norĩ, ma tô tite dasi'wapéi 'manharĩ'wa norĩ hã 'rã'õtõ za'ra, romharé Sidĩ na isisi ãma, Â warĩrĩ na pu'u nhisi 're ihâimana mono ãma.

Salmu 78:13

 na ma tô ãma aipo'o, te te ãma saprĩ za'ra da hã. Ãhã wa, te taré â zada'ré si'uiwa hã ti'âtâ zahuré, 'ri 'wawi wa'ra 'rãihâ ne.

Ezodu 14:21

Tawamhã Mozési â nhisiwi tinhib'rada te te oto wẽ wamhã, Uburé Danhib'apito, ma tô rowa'u isiptede bâtâ pusizém hawi iwatobro da hã tãma rob'ru, â te te isiwasi da hã. Tawamhã marabâre rowa'u isiptede te te â wapõrĩ u'âsi wa, ma tô â poré wa'wam nherẽ, siti'ai'ré. Tahawa, â sima siwãnhizari wamhã,

Ezodu 14:22

ma tô â nhitõmo si'uiwa norĩ wa'wamhã Izaraéu nhihudu norĩ ti'ai 'ré na oto saprĩ za'ra.

Ezodu 14:29

Tane nherẽ, Izaraéu nhihudu norĩ hã ma tô â wa'waibaba ti'ai 'ré na hã saprĩ za'ra, â nhitõmo si'uiwa wa'wamhã.

Ezodu 15:8

A hã â sa'uri wamhã, ma tô â hã ti'âtâ; ma tô isitõmo si'uiwa na taré ti'rãihâ zahuré, duré ma tô â 'rehâ uptabi 'rowimhã â u'ẽtẽ ne â hã titete.

Zozué 12:3

Tawamhã Zodã na romharé nhisi niwĩ bâtâ pusizém niwĩmhã, Galiléa na pu'u nhisi hawi Bete-Zesimote u hã, ma tô Seõ isi'i'rãnho'õmozé hã tihâiba, Â warĩrĩ na pu'u nhisi ãma bâtâ pusizém niwĩmhã, hâiwa nhimire niwĩ, Pisga na ẽtẽ nhisi zahâpâ u.

Zozué 3:13

Tawamhã sasedoti norĩ, Uburé Danhib'apito te, wedehâ're 'manharĩ te te siwi âri ré, â wa tipara hã te te sõré wamhã, te za Zodã pa â ipraba hã mazazâ. Tawamhã â hã sãrã u hã te za taré ti'â 'masisi.

Zozué 4:22

te za ãma tãma 're irowasu'u za'ra wa'aba mo, Izaraéu nhihudu norĩ, Zodã pa pa'ré na te te isaprĩ za'ra zém na hã.

Zozué 5:1

Tawamhã uburé amoreu nhib'apito norĩ, Zodã pa zara niwĩ bâtâ zasizém niwĩ 're ihâimana za'ra mono norĩ hã duré Cana'ã nhib'apito norĩ, âporé Mediterãniu zaihâ na 're ihâimana za'ra mono norĩ zama, ma tô waihu'u za'ra, Zodã pa â, Uburé Danhib'apito te te i'rézé hã, Izaraéu nhihudu norĩ te te ãma isaprĩ za'ra zéb da hã. Tahawa Izaraéu nhihudu norĩ hã isiniwĩ te te oto saprĩ za'ra wamhã, ma tô ta norĩ hã tãma tipahi pese za'ra. Ma tô duré siptete hai'utõrĩ za'ra.

Zuize 7:22

Tahawa, 300 na aibâ norĩ danhimnhihârâzé te te hãsi wamhã, ma tô Uburé Danhib'apito, aibâ norĩ ma rob'manharĩ za'ra, tite sib'ézé 'wa pa na 'râwi si'wapé za'ra da hã. Tawamhã Zerera niwĩ sisa'rei mono wamhã, ma tô Bete-Sita na romnhisi niwĩ ai'aba'ré, Abéu-Meora na 'ri wa'õtõ nhisi zada'ré u, Tabate na rowamri 'ratab u.