Zozué 3:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zozué duré uburé Izaraéu nhihudu norĩ me ma tô robza'rã ré wairé, Sitĩ hawimhã si'aba'ré da, Zodã pa u. Tawamhã pa nho'õmo na te te saprĩ za'ra wana ré, ma tô tame a'â sima 'ri nhoré za'ra.

Zozué 3:1 Iomraidhean Croise

Zenezi 21:14

Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

Zenezi 22:3

Tawamhã Abra'ã mara hâ ré robza'rã ré, utu wamhã, ma tô awaru po're pore sima bazadâ. Duré mi, ma tô sima anhihâ, tinhoprubzé te te ãma izatazéb da hã. Taha pari, 'Re ihâimana u'âsi mono, ro te te tãma iwasu'u u morĩ da, ma tô oto watobro. Tawamhã Izaqui norĩ, maparane tãma romhuri'wa norĩ me, ma tô isiré ai'aba'ré.

Salmu 119:60

Wa hã, wa sa'ẽtẽ ĩsima 're ĩtob'uzu ĩsitété ãna, asimiroti si te 're 'madâ'â pese mono na 're ĩmorĩ da oto.

Marcu 1:35

Tawamhã robza'rã ré, ma wahudu Zezusi hã, 'ri nhiti morĩ da, a'ubuni u. Taha wamhã, te tame a'â tihâiba, 'Re ihâimana u'âsi mono ma, mreme da.

Zozué 2:1

Tawamhã Zozué, Sitĩ hawi ma tô wapsãi'a'wa norĩ hã satõrĩ zahuré, pi'uriwi. Ãne te tãma rob'ru zahuré: — Ti'a hã 'râwi sabui wẽ wa'aba da, te za ane wa'wa. Tane nherẽ, 'ri nho'u Zerico si te za iwaihu'u wẽ wa'wa, danhipai u. Tawamhã oto neb zahuré wamhã, ma tô tizasi zahuré, pi'õ Ra'abi na isisi iwa'âbâ zô 're isisõmri mono nhorõwa u, tame sõtõ zahuré da.

Zozué 6:12

Tawamhã awẽ bâtâ na mara hâ ré, ma tô Zozué hã udu. Utu wamhã, wedehâ're 'manharĩ ma tô sasedoti norĩ hã siwi ti'â.

Zozué 6:15

Tawamhã 7 bâtâ ãmamhã robza'rã ré oto duré utu za'ra wamhã, ma tô 'rinho'u tô taha bâtâ na 7 na te te ropãrĩ za'ra mono sina, sisõré pese na hã siwi uirĩ. Õhõ bâtâ na si ma tô, 'rinho'u 7 na siwi uirĩ.

Zozué 7:16

Tawamhã Zozué ma tô robza'rã ré a'uwẽ norĩ ma waihu'u za'ra, Izaraéu nhihudu upsãtã mono bâ sihâi'ré za'ra da. Tahawa, Zudaha nhihudu norĩ ma tô wasu'u za'ra.

Zozué 8:10

Ãma awẽ wamhã, mararé uptabi ma tô udu. Ma tô duré dasi'wapéi 'manharĩ'wa norĩ hã 'rã'õtõ. Tawamhã Zozué hã, Izaraéu nhihudu norĩ ma i'rãnho'õmo norĩ me hã ma tô a'uwẽ norĩ nhowamhã te te ropãrĩ za'ra mono sina sisõré pese na ai'aba'ré, Ai nho'õmoi wa'waibaba.

Zuize 20:19

Tawamhã awẽm na Izaraéu nhihudu norĩ oto si'aba'réi wamhã, ma tô Zibea 'rata romhâ 'manharĩ na 'ri hã sima sõré.

1 Samuéu 17:20

Tawamhã ãne bâtâ na awẽm na, ma tô Dawi hã oto udu mararé. Tahawa, ma tô pone'ẽrebâ norĩ hã da te sô 'madâ'â za'ra da hã dama sa'ré. Taha pari, imama Zésé te te tãma i'ru te te iduri da hã ma tô oto ti'â. Tawamhã ma tô oto wi, da te dasima i'ri nhoré za'ra zéb u hã, Izaraéu nhihudu norĩ hã, si'wapé za'ra da hã nasi hãsi mono ré wairébé mono sina isisõré pese da hã, za isi'wapé za'ra zéb u hã.