Zozué 24:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã Moabi te apito, Baraqui, Zipoho 'ra hã Izaraéu nhihudu norĩ da, dasi'wapé te te 'manharĩ da, te te sima rosa'rata wamhã, ma tô Be'oho 'ra Balaã zô da'mazatõ. Tawamhã ma tô tiwi waptẽ, ĩnhimirob'manharĩ wasété zé hã te te aima pisutu zahi za'ra wa'aba da hã.

Zozué 24:9 Iomraidhean Croise

Zuize 11:17

Tawamhã Izaraéu nhihudu norĩ, ma tô duré romreme 'wapéi'wa edomita norĩ nhib'ihâ'a u satõrĩ za'ra, ãne timreme za'ra ré: “Asipti'a na wa te a'â ro'rahâri za'ra da hã wama sa'ré za'ra na.” Tane nherẽ, apito hã te te tãma rowairébé za'ra õ di. Tahawa moabita norĩ nhib'apito wi, tô timreme na te te irowaptẽrẽ za'ra zém ne, ma tô aré duré tiwi rowaptẽrẽ za'ra. Tane nherẽ, taha zama te te tãma sa'ré za'ra õ di. Tahawa te te ãne taré tiwi rowaptẽrẽ baba za'ra wa, ma tô Cadi ãmap si a'â oto 're hâimana za'ra.

Zuize 11:25

E a hã ma tô asina irosa'ra Baraqui, Zipoho 'ra, moabita norĩ te apito nhipai u i'aihâimana na hã. Duré e ta hã, ma tô nimahã na Izaraéu nhihudu norĩ zada tihâiba. E niwa ma tô wa a'wapé.