Zozué 24:7 - ꞌRe Ihâimana Uꞌâsi Mono Zadawa Wasuꞌu

⁷ Tahawa, Izaraéu nhihudu norĩ te te ĩwi rowaptẽrẽ za'ra wamhã, wa tô robra wa hã 'manha, ezipsiu norĩ wi te ãma isimi'uri za'ra zéb da hã. Duré â ma, wa tô tinha ezipsiu norĩ nhisiwi sisa'wari da hã. Ãhã wa, ma tô suwa za'ra. Tawamhã a norĩ wa'wa atõmo na, wa hã, ezipsiu norĩ ma, te i'manharĩzé hã ma tô i'madâ'â za'ra wa'wa. Taha pari ma tô duré rop si a'ubuni wi 're irosa'wari mono ãmamhã, 're aihâimana hâ za'ra wa'aba mo.

Zozué 24:7 Iomraidhean Croise

Ezodu 14:10

Tawamhã Izaraéu nhihudu norĩ, apito Fara'o tite dasi'wapéi 'manharĩ'wa norĩ me te te 'wapé za'ra da, sisõré pese na te te iropãrĩ za'ra mono na te te 'madâ'â za'ra wamhã, ma tô tãma tipẽ'ẽwara pese za'ra. Tahawa, ma tô Uburé Danhib'apito te te pawaptob za'ra da hã mreme 'rãihâ na tiwi rowaptẽrẽ za'ra.

Ezodu 14:20

ezipsiu norĩ wa'wamhã, Izaraéu nhihudu norĩ me. Tahawa, ezipsiu norĩ ma hã, ma tô hâiwa 'rãdâ'â pe hã tãma tihâimana za'ra. Tane nherẽ, Izaraéu nhihudu norĩ ma hã, ma tô rowa'a si tãma tihâimana za'ra. Ãne wa, marabâre Ezitu te dasi'wapéi 'manharĩ'wa norĩ, Izaraéu nhihudu norĩ hã te te sina tété waihu'u za'ra õ di.

Ezodu 14:31

Tawamhã Izaraéu nhihudu norĩ hã Uburé Danhib'apito tiwaihu'u pese na ezipsiu norĩ ãma te te i'ai'uté za'ra zé te te 'madâ'â za'ra wamhã, ma tô ãma itob'uzu za'ra zéb zarina oto wazéb za'ra. Tahawa, ma tô Uburé Danhib'apito hã oto siwi umnhasi. Duré tãma romhuri'wa Mozésihi zama te oto umnhasi na hã tãma tihâimana za'ra.

Hebreu 3:17

Duré, e 'wam norĩ hã ma tô bété 'Re ihâimana u'âsi mono hã siwi wẽ'õ pese za'ra, Mozési hã Ezitu hawi te te dazani za'ra pari, 40 na da'ãma wahub ré, a'ubuni wi 're danomro mono ré hã. Tô õ norĩ hã tiwasédé te te 're i'manharĩ za'ra mono norĩ hã ma tô siwi wẽ'õ pese za'ra. Tiwasédé hã te te 're i'manharĩ za'ra mono zéb zarina, ma tô a'ubuni wi ai'utõ, ta norĩ hã. Ma'ãpé ta norĩ wasu'u na 're asipo're pu'u za'ra wa'aba mono duré, waihu'u za'ra wa'aba da.

Zozué 5:6

40 na ãma iwahub za'ra na ma tô Izaraéu nhihudu norĩ hã 're nomro, supara 'ré na si. Taha ré, uburé aibâ hã za oto 're isi'wapé za'ra mono wabre ãma iwahub za'ra hã Ezitu hawi iwairébé norĩ hã ma tô tidâ'â za'ra. E marĩ wa. Uburé Danhib'apito nhimiroti te te 're wapari za'ra mono õ wa. Tahawa ma tô 'Re ihâimana u'âsi mono hã sena na tãma ropisutu za'ra, ti'a iwe isimarĩ pe hã titõmo na te te i'madâ'â za'ra da hã, te te tãma isa'ré za'ra õ na, ihi'rata za'ra norĩ ma, te te ãma tãma iropisutu za'ra hã, i'uirĩ na te te wama isõmri za'ra da hã.