Zozué 24:32 - ꞌRe Ihâimana Uꞌâsi Mono Zadawa Wasuꞌu

³² Tahawa, Izaraéu nhihudu norĩ, Ezitu hawi Zuzéhé hi te te siwi i'âri hã, ma tô Siquẽ na romnhisi ãma siwi ãma ti'a, Hamohõ 'ra norĩ wi, Zaco ti'ai wa'õno te te tiwi i'uipra zahuré ãma, 100 na prata wa'õtõ na, Siquẽhẽ mama wi. Tawamhã ã hã ti'a hã ma tô Zuzéhé nhihudu norĩ hã tihi'rata uirĩ na hã ãma ate za'ra.

Zozué 24:32 Iomraidhean Croise

Zenezi 33:19

Tawamhã duré ẽtẽ waipo prã prata 100 na isapotore na ma tô Siquẽhẽ mama Hamo na isisi taha nhihudu norĩ wi hã, ti'ai wa'õno 'mai'uipra, te te sima iwa i'ri nhoré za'ra zéb da hã.

Zenezi 48:22

Wa hã, Siquẽ hã wa aima tisõ, mare di asisãnawã norĩ ma hã. Siquẽ hã amoreu norĩ wi te i'âri hã, ĩnhi'wa na, duré ĩnhimnhi'ãsi na te sô i'a'wapé zarina.

Zenezi 50:24

Tawamhã nimahã bâtâ na te Zuzé, tisisãnawã norĩ ma sina tãma nharĩ za'ra ãne: — Nimahã na romhutu na wa za tô oto dârâ. Tane nherẽ, ĩ'uirĩ na te za tô sena na 'Re ihâimana u'âsi mono si te te 're aipawaptob za'ra wa'wa. Duré taha si te za ã hã ti'ai wa'õtõ nho'õmo hawimhã apâ te te asimroi wa'wa, Abra'ãhã ma, Izaquihi ma, duré Zacoho ma, te te ãma iropisutu siromo u.

Zenezi 50:25

Tawamhã Zuzé, tisisãnawã norĩ wi, te te tãma iropisutu za'ra zéb da hã, ma tô tiwi waptẽrẽ za'ra ãne: — 'Re ihâimana u'âsi mono si te za tô te te 're aipawaptob za'ra wa'wa. Ãne hã niwa romhâimana wamhã, te za ĩhi norĩ hã asiré asiwi iduri 'wa za.

Ezodu 13:19

Tawamhã Mozési, Zuzéhé hi hã ma tô siré ti'â. E marĩ wa. Zuzé hã, ãne Izaraéu nhihudu norĩ te te siwi 'manharĩ da, te te tiwi waptẽrẽ za'ra wa, te te sina tãma iropisutu za'ra da hã. Ãne ma tô tãma sina nharĩ siromo za'ra tawamhã: “Niwa apto'oré 'Re ihâimana u'âsi mono ã hawi te te asõ'reptu za'ra wa'aba wamhã, ĩhi hã ma'ãpé ã hawimhã asiwi duri aba za asiré.”

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:15

Tawamhã Zaco norĩ hã te oto zâmo, Ezitu u, tame 're si'ubumroi mono da oto. Tame ma oto Zaco hã dârâ. Tame ma tô duré i'ra norĩ hã 're dâ'â za'ra. Tawamhã imama hã tiwi dâ'â za'ra wamhã, ihi hã ma tô siwi ti'â apâ, irob u, Siquẽ na danhipti'a nho'õmo nhisi u, tame te te siwi séme da. Ti'a hã Abra'ã hã dâ'â õ ré, Hamohõ nhihudu norĩ wi, te te sisada i'uipra siromo ãma, ma siwi sé, ihi hã. 'Re dâ'â za'ra mono sidâpâsi, ma tô wahi'rata norĩ hi zama apâ da te 're 'wasari tamomo, Zacoho 'ra norĩ hi hã, tame da te 're séme mono da, ẽtẽ zahâpâ wa, ab're 're.

Hebreu 11:22

Duré Zuzé hã 'Re ihâimana u'âsi mono si te te sina 're i'umnhasi mono zéb zarina, ma tô tidâ'âzéb u tidub'rata norĩ ma rowaihu'u siromo za'ra, Izaraéu nhihudu norĩ, za Ezitu hawi iwairébézém na hã. Ãne na, 'Re ihâimana u'âsi mono si te te sina 're umnhasi mono wa, te duré tãma sina roti za'ra, i'uirĩ na si, ihi hã te te siwi âri da apâ, tiza'ru 'rata u, tamep si te te siwi sẽrẽ da.