Zozué 24:29 - ꞌRe Ihâimana Uꞌâsi Mono Zadawa Wasuꞌu

²⁹ Tawamhã da'ãma ronomro pari, ma tô oto Zozué Nuhu 'ra hã dârâ, Uburé Danhib'apito ma romhuri'wa hã, 110 na ãma iwahum na.

Zozué 24:29 Iomraidhean Croise

Zenezi 50:22

Tawamhã Zuzé, timama nhib'a'uwẽ norĩ me, ma tô Ezitu ãma 're hâimana za'ra. Tawamhã Zuzéhé ãma ma tô tiwahu, 110 na.

Zenezi 50:26

Tawamhã Zuzé, 110 na ãma iwahub ãma ma tô oto dârâ. Tahawa, te te siwi hâiba u'réi parimhã, ma tô Ezitu ãma wedehâ're 're oto siwi tisẽ.

Zozué 24:28

Tawamhã ãne pari ma tô Zozué, a'uwẽ norĩ ma rob'ru za'ra, tinhipti'ai mono bâ te te ropéi mono da.

Zozué 24:30

Ma tô isipti'a Timnate-Sera na 'ri wa'õtõ nhisi ãma dasiwi sẽrẽ ni, Efraĩhĩ niwĩ ẽne ihâimana ãma, Ga'asi na ẽtẽ nhisi ãma hâiwa nhimi'e niwĩmhã.

Apocalipsi 14:13

Tawamhã wa tô duré wapa, hâiwa hawi ni'wai mreme hã. Ãne te ĩma ti'ru: — Ma'ãpé, ãne ãma rob'ui'éré: “Ãhã na te iwaihu'uzém hawi, ni'wam norĩ hã Wanhib'apito ma, te te 're romhuri pese za'ra mono zawéré ré, 're dâ'â za'ra mono wamhã, tãma 're rowẽ uptabi za'ra mono di za.” Tawamhã 'Re ihâimana u'âsi mono pẽ'ẽzani hã ma ãma saze, timreme na. Ãne ma ãma saze: “Tane tô. Tãma 're rowẽ uptabi za'ra mono di za tô. Simi'ẽ na tinhimiromhuri wẽ ré, te za hâiwa u iré 're sisisi. Tahawa, te za oto romhuri na tisiwasudu hã te te 're sahâri za'ra.” Ãne 'Re ihâimana u'âsi mono pẽ'ẽzani te te ãma isazezé hã. Ãne te za ãma irob'ui'é.

Zuize 2:8

Tawamhã Zozué, Nuhu 'ra, 'Re ihâimana u'âsi mono nhib'a'uwẽ ma tô oto dârâ, 110 na ãma iwahum na.

Zuize 2:9

Tahawa, ma tô ãma ti'a ni, isipti'ai wa'õtõ wa, Timnate-Heré, Efraĩ na rowamri niwĩ ẽne 're ihâimana mono ãma, Ga'asi na ẽtẽ nhisi ãma hâiwa nhimi'e niwĩ.