Zozué 24:27 - ꞌRe Ihâimana Uꞌâsi Mono Zadawa Wasuꞌu

²⁷ Tahawa te uburé dama tinha, ãne: — Ma'ãpé ã hã ẽne asiwi 'madâ'â aba! Ãma 're iwasipo're pu'u za'ra mono zéb da hã te za wama 're hâimana za'ra, wa te wasiwi 're 'madâ'â mono wa. Õ hã ma tô Uburé Danhib'apito te te wama inharĩ za'ra zé hã wapa. Niwa apto'oré 'Re ihâimana u'âsi mono 're rẽme za'ra wa'aba mono õ'umnhasite, te za te te 're ai'uwati za'ra wa'wa.

Zozué 24:27 Iomraidhean Croise

Provébiu 30:9

'Re ĩnhimarĩ pese mono 'wa'âhã, wa aré ai'udâ. Wa aré airẽ. Ãne wa aré duré tinha: “Uburé Danhib'apito, te ai'ãma irosa'rata da hã mare di, marĩ dai õ wa.” Duré ĩnhimarĩ ãna 're ĩhâimana mono 'wa'âhã, wa aré 're ĩnhimisaihuri mono da hã 're ĩne. Tawamhã taha zarina wa aré asisi hã te 're upto, ĩte 'Re ihâimana u'âsi mono nhisi hã.

Mateu 10:33

Tazahã, duré ni'wam norĩ hã ĩzazei'õ'wa na dama 're siwasu'u za'ra mono wamhã, wa hã wa za duré Ĩmama nho'a hã te 're awasu'u, ĩzazei'õ'wa na, hâiwa ãma 're isãmra mono nho'a. — Ãne ma tô tãma rowasu'u za'ra, Zezusi hã.

Luca 19:40

Tawamhã te Zezusi hã asa tãma nharĩ za'ra, ãne: — Tô sena wa aima waihu'u za'ra wa'wa. Ari'iwi si'aba'réi 'wa'âhã, te aré tô ẽne hã mreme 'rãihâ na, 'Re ihâimana u'âsi mono ãma tiwata za'ra.

Titu 1:16

Ta norĩ hã te 're siwasu'u za'ra, 'Re ihâimana u'âsi mono te te iwaihu'u za'ra na. Tane nherẽ, 're nomro wasété mono wa, tô senai õ di, 're isiwasu'u za'ra mono zé hã. Te te 're ida'ruiwapari za'ra mono zép si, te tãma 're hâimana za'ra. Te duré po're'õ u'âsi hã 're nomro. Marĩ iwẽ hã te te 're 'manharĩ waihu'u za'ra mono õ di, duré ta norĩ hã.

Zozué 24:28

Tawamhã ãne pari ma tô Zozué, a'uwẽ norĩ ma rob'ru za'ra, tinhipti'ai mono bâ te te ropéi mono da.

Apocalipsi 3:8

“Duré 're i'manharĩ za'ra wa'aba mono zé hã ĩma waihu'u pese di. Ai'umrore wa'aba nherẽ, dama aipire na 're aihâimana za'ra wa'aba mono õ nherẽ, te ĩ'ãma si 're anomro wẽ wa'aba mo. Te duré ĩnhimiroti si 're iwapari pese za'ra wa'aba mo. Ma'ãpé, waihu'u pese za'ra wa'aba. Wa tô asõwa 'ridawa za'ra wa'wa, Ĩmama, da'ãma 're isib'a'uwẽ mono zéb u 're i'asisisi aba mono zéb da hã ãma. Taha 'ridawa hã ni'wa te te aiwi 'ridawa nhito waihu'u za'ra wa'aba õ di.

1 Samuéu 7:12

Tawamhã Samuéu hã ma tô ti'â ẽtẽ tõmo wawẽ hã. Tawamhã ma tô tihi, Mispa na 'ri nho'õmo ro wa'wa, Sẽ na daza'ru nhisi wa'wa me. Tawamhã te ãne tinha: — Ãwap si ma tô Uburé Danhib'apito hã wapawaptob za'ra. Tahawa, ma tô sisi, Ebeneze na.